பரிபாடலில் இமயமலையின் தோற்றமும், கங்கை இயமலையில் இறங்குதலும்

பரிபாடலில் இமயமலையின் தோற்றமும், கங்கை இயமலையில்  இறங்குதலும்

பரிபாடல்  - கடவுள் வாழ்த்து

(குன்றம்பூதனார் பாட்டு, மருத்துவன் நல்லச்சுதனார் இசை, பண்ணுப் பலையாழ்) 

இரு நிலம் துளங்காமை

9. செவ்வேள்

முருகவேளை வாழ்த்துதல்

இரு நிலம் துளங்காமை வடவயின் நிவந்து ஓங்கி,

அரு நிலை உயர் தெய்வத்து அணங்குசால் தலை காக்கும்,

உருமுச் சூழ் சேண் சிமை உயர்ந்தவர் உடம்பட

எரி மலர்த் தாமரை இறை வீழ்த்த பெரு வாரி  (5) 
(எரி மலர்த் தாமரை = இமயமலை) (பெரு வாரி = ஆகாய கங்கை)

விரி சடைப் பொறை ஊழ்த்து, விழு நிகர் மலர் ஏய்ப்ப,

தணிவுறத் தாங்கிய தனி நிலைச் சலதாரி

மணி மிடற்று அண்ணற்கு, மதி ஆரல் பிறந்தோய்! நீ.

மை இரு நூற்று இமை உண்கண் மான் மறிதோள் மணந்த ஞான்று

ஐ இருநூற்று மெய்ந் நயனத்தவன் மகள் மலர் உண்கண், (10)

மணி மழை தலைஇயென, மா வேனில் கார் ஏற்று,

தணி மழை தலையின்று, தண் பரங்குன்று.

--------------------------------

இருநிலம் = இரண்டு நிலங்கள்
துளங்காமை = உருவாகமை
பெருநிலம் ஆடாமல் இமயமலை வடதிசையில் இருக்க இந்திரன் காத்துவந்தான். இமயம் ஓங்கி உயர்ந்த மலை. தெய்வம் வாழும் மலை. அச்சம் தரும் மலை. தாமரையில் வீற்றிருக்கும் பிரமன் படைத்த பெரிய வாரியாகிய கங்கை வானத்திலிருந்து இறங்கும்போது சிவபெருமானின் விரிந்த சடையில் தங்கியதால் சினம் தணிந்தது. கங்கை நீரைத் தலையில் அணிந்தவன் சலதாரி. அவன் நஞ்சைச் தொண்டையில் வைத்திருக்கும் அண்ணல். ஆரல் என்னும் கார்த்திகை மீனிலிருந்து சிவனுக்கு மகனாகப் பிறந்தவனே!

கரு கரு இமையும் கண்ணும் கொண்டவள் வள்ளி. அவளை மறித்து அவளது தோளைக் களவு நெறியில் நீ மணந்தாய். அப்போது உடலில் ஆயிரம் கண் கொண்ட இந்திரனின் மகள் தேவசேனை முதுவேனில் காலத்தில் பெய்யும் மழை போன்ற கண்ணீரைத் திருப்பரங்குன்றத்தில் மழையாகப் பொழிந்தாள்.