ஆலவாயும் அலைவாயும்

ஆலவாயும் அலைவாயும்

யூடிப்பில் காணுங்கள் https://youtu.be/Kff9Z7W94tM

கல்வெட்டில் கடல்கோள்

கல்வெட்டில் கடல்கோள்

முகநூல் நண்பர் Rachinn Rachinn Rachinn அவர்களின் பதிவு இது.

7 பிப்ரவரி, முற்பகல் 6:43க்கு  · 

நினைவுச் சாலை:பாண்டியர்கள் யாரால் முடிவுக்கு வந்தனர். தெளிவாக சித்தரிக்கின்றன இந்தக் கல்வெட்டுச் செய்திகள்.

கம்பணர் ஆட்சிக்குபின்பும் நாயக்கர் ஆட்சி ஏற்படுவதற்கு முன்பும் இருந்த இடைக்காலத்தில் பாண்டிய நாடு வாணாதிராயர் ஆட்சியில் இருந்நததாக கல்வெட்டுகள் உணர்த்துகின்றன.Òமஹாவலி வாணதரையர்சீர்மையானமதுரை மண்டலாம்Ó&ஸ்ரீவில்லிபுத்தூர்கல்வெட்டு.கக

''மால்விட்ட படை  துரந்து வடுகெறிந்த

மகதேசன் வடிவேல் வாங்கக்

கால்விட்ட கதிர்முடியே யிந்திரனைப்

புடைத்தது முன் கடல்போய் வற்ற

வேல்விட்டதொகுதிறலுமுகிலிட்ட

தனி விலங்கும் வெற்பி லேறச்

சேல்விட்ட பெருமலியு மாங்கேலிட்டுடைந்தான் தென்னவர்கோவே''

''இழைத்த படியிதுவோ வெங்கணா வென்றன்

றிழைத்த வழுகுலேயால்&தழைத்த குடை

மன்னர்கோன் வாணன் வடிவேலால் தோற்றுடைந்த தென்னவர்கோன் போன திசைÓ&புதுக்கோட்டை''-குடுமியான்மலைக் கல்வெட்டுக்கள் இரண்டு, பாண்டியர்  தோல்வியையும், வாணாதிராயர் வெற்றியையும் (செய்யுள் நடையில் கூறியுள்ளன.

முனைவர் மா.இராசமாணிக்கனார்

(கல்வெட்டுகளும் தமிழ் சமூக வரலாறும்)

இதன் வழியாக நாம் அறிய வேண்டிய செய்திகள் உள்ளன.பாண்டியர்கள்  வாணாதிராயர்களால் வீழ்த்தப்பட்டனர்.வாணாதிராயர்கள் யார் என்பது அனைவரும் அறிந்ததுதான்.

கடல் கொண்ட கபாடபுரம்

கடல் கொண்ட கபாடபுரம்.

https://youtu.be/6xR9cM9yeZw?t=250

நிலவியல் துறை நிபுணர்கள் ஆய்வு துவக்கம்

தமிழகம்கடல் சீற்றங்களால் அழிந்ததா 

கீழடி நகரம்? 

நிலவியல் துறை நிபுணர்கள் ஆய்வு துவக்கம்

தினகரன் நாளிதழ் செய்தி  2020-09-18@ 17:34:38

திருப்புவனம், : சிவகங்கை மாவட்டம், திருப்புவனம் அருகே கீழடியில் 6ம் கட்ட அகழாய்வு பணிகள் தமிழக தொல்லியல் துறை சார்பில் நடந்து வருகின்றன. இதுவரை நடைபெற்ற ஆய்வுகளில் பழமையான பானைகள், இணைப்பு குழாய் பானைகள், கட்டிடங்கள், தங்க நாணயம், எடை கற்கள் உள்ளிட்ட ஏராளமான பொருட்கள் கிடைத்துள்ளன. இவை 2,600 ஆண்டுகளுக்கும் முற்பட்டவை என கண்டறியப்பட்டுள்ளது.கீழடியில் கிடைத்த பொருட்கள் சங்ககால தமிழர்கள் நகர நாகரீகத்துடன் வாழ்ந்ததை நிரூபிக்கின்றன. இங்கு வாழ்ந்த மக்கள் எங்கு சென்றனர், இந்த நகரம் அழிந்ததற்கான காரணம் என்ன என நிலவியல் துறை ஆய்வாளர்கள் மூலம் ஆய்வு பணிகள் நேற்று தொடங்கியுள்ளன.

டேராடூன் பல்கலைக்கழக முன்னாள் பேராசிரியரும் திருவாரூர் மத்திய பல்கலைக்கழக நிலவியல் துறை தலைவருமான பேராசிரியர் ஜெயம்கொண்ட பெருமாள் தலைமையில் 2 ஆராய்ச்சி கல்லூரி மாணவர்களுடன் நேற்று ஆய்வு பணிகள் தொடங்கின. இதற்காக கீழடியில் தரைதளத்தில் இருந்து 13 மீட்டர் ஆழம் வரை பல்வேறு இடங்களில் மண் அடுக்குகளின் மாதிரிகள் சேகரிக்கப்பட்டு வருகின்றன. இவற்றை வைத்து கீழடி நகரம் அழிந்ததற்கான காரணம் குறித்து ஆய்வு செய்யப்பட உள்ளது.

இது குறித்து நிலவியல் துறை ஆய்வாளர் பெருமாள் கூறுகையில்,‘‘சங்கத்தமிழ் வளர்ந்த நகரம் கீழடி.  இந்த நகரம் அழிந்ததற்கான காரணம் குறித்து ஆய்வு செய்ய உள்ளோம். கீழடி பகுதி கடல் உள்வாங்கியதால் அழிந்திருக்குமா, சுனாமி போன்றவற்றால் அழிந்திருக்குமா, மக்கள் இடம் பெயர்ந்ததால் அழிந்திருக்குமா என ஆய்வு செய்ய உள்ளோம்’’ என்றார்.

லேசர் கருவி சோதனை -  கீழடியில் 6ம் கட்ட அகழாய்வு பணி பிப்.19ல் தொடங்கி நடந்து வருகிறது. செப்டம்பருடன் பணிகள் முடிவடைய உள்ளன. வரும் ஜனவரியில் 7ம் கட்ட அகழாய்வு பணிகள் தொடங்க உள்ளதாக தெரிகிறது. இதற்காக கீழடியில் உள்ள கருப்பையாவின் நிலம் மற்றும் சுற்றியுள்ள நிலங்களில் சர்ஃபேஸ் ஸ்கேனர் என்ற நவீன லேசர் கருவி மூலம் நேற்று ஆய்வு பணிகள் தொடங்கின. இந்த லேசர் கருவிகள் தரைமட்டத்தில் இருந்து 500 மீட்டர் ஆழத்திற்கு ஊடுருவி, கீழே பழங்கால கட்டிடங்கள், பொருட்கள் உள்ளதா என ஆய்வு செய்யும் திறன் கொண்டவை.

https://www.dinakaran.com/News_Detail.asp?Nid=618176

----------------------------

திருவிளையாடற்புராணம் 11ஆவது படலத்தில் சுந்தர பாண்டியனின் (சோமசுந்தரேசுவரரின்) மகன் உக்கிர குமாரனின் ஆட்சிக் காலத்தில் மதுரைக்கு வந்த ஆழிப்பேரலை(“சுனாமி”) வந்தது என்றும், அதை வேல் எறிந்து உக்கிரபாண்டியன் தடுத்து நிறுத்தினான் என்று ஒரு குறிப்பு உள்ளது. 

மேலும, 17ஆவது படலத்தில் அதுலகீர்த்தி பாண்டியனின் ஆட்சிக் காலத்தில் பேரூழி ஏற்பட்டு கடல் பொங்கி(“சுனாமி”) மதுரையை முற்றிலும் அழித்துள்ளது என்ற ஒரு குறிப்பு உள்ளது.

https://kalairajan26.blogspot.com/2016/10/blog-post.html

அன்பன்

காசிசீர், முனைவர், நா.ரா.கி. காளைராசன்

ஆராய்ச்சி அமைப்பாளர்

திருவிளையாடற் புராண ஆராய்ச்சி மையம் 

கடல்கொண்ட பொதிகை

கடல்கொண்ட பொதிகை 

குமரிக்கோடு அழியக் காரணமான பிரளயகாலத்தில் உண்டான ஆழிப்பேரலைகள் (சுனாமி) மலைகள் மூழ்கும்படியாக உயர்ந்து  எழுந்து தென்தமிழகம் முழுவதையும் அரித்துச் சென்றுள்ளது. இவ்வாறு அடித்துச் சென்றன எல்லாம் மேற்குத் தொடர்ச்சி மலைகளில் இருந்த பள்ளத்தாக்குகளில் தங்கிவிட, கடல்அலைகள் அதையும் தாண்டிச் சென்று மேற்கே அரபிக்கடலில் கலந்துள்ளன. 

இதனால், மேற்குத் தொடர்ச்சி மலைத் தொடரில் இருந்த பள்ளத்தாக்குகள் நிறைந்து சற்று சிறிய சமவெளிகளாக மாறியுள்ளன.  இவ்வாறு பண்டைய தமிழர் நாகரிகம் புதையுண்ட இடமே  ‘பொதிகை’ என்று அழைக்கப்படுகின்ற இடமாகும்.

பொதிகையில் பொதிந்துள்ளனவற்றைப் புதைபொருள் ஆராய்ச்சி செய்தால், கடல்கோளுக்கு முந்தைய நமது பண்டைத் தமிழரின் எச்சங்கள் கிடைக்க வாய்ப்புகள் அதிகம் உள்ளன.

அன்பன்

கி.காளைராசன் <kalairajan26@gmail.com>

1 Dec 2013, 07:41

to mintamil, vallamai, meykandar@yahoogroups.com, tolkaappiyar@egroups.com

மணிமேகலை குறிப்பிடும் கடல்கோள்

மணிமேகலை  குறிப்பிடும் கடல்கோள்

இந்தப் பதிவை  இந்த யூ-டியூப்பில் காணலாம் 

https://youtu.be/r6MsXH033Vk?t=349

மணிமேகலை - பீடிகை கண்டு பிறப்புணர்ந்த காதை

(ஆசிரியர் - சீத்தலைச்சாத்தனார்) 

“அவந்திநாட்டு மன்னனிடம்,காயங்கரை ஆற்றங்கரை யில்

பிரம்மதருமன் அறங்கூறுகிறார்.  அந்தமன்னனிடம் பிரம்மதருமன் கூறியது மணிமேகலையின் நினைவிற்கு வருகிறது.

“ஆங்கு அவன் தன்பால் அணைந்து அறன் உரைப்போய்

தீங்கனி நாவல் ஓங்கும் இத் தீவு இடை

இன்று ஏழ் நாளில் இருநில மாக்கள்

நின்று நடுக்கு எய்த நீள் நில வேந்தே

பூமி நடுக்குறூஉம் போழ் தத்து இந் நகர்

நாக நன்னாட்டு நானூறு யோசனை

வியன் பா தலத்து வீழ்ந்து கேடு எய்தும்

இதன்பால் ஒழிக என இருநில வேந்தனும் ......”

        பிரம்மதருமன் என்ற துறவி மன்னனிடம் வந்து அறம் கூறுகிறார்.  இனிய கனிகளையுடைய நாவல் மரங்கள் ஓங்கிய வளர்ந்துள்ளது இந்த ஜம்புத்தீவு (நாவலத்தீவு). இந்தத் தீவின் இடையே,  இன்றைக்கு ஏழாவது நாளில்,  இரு நிலத்தில் வாழும் மக்கள் நின்று நடுக்குமாறு பூமி நடுக்கும் உண்டாகும்.   இந்த நகரும், நன்றாகிய நாக நாட்டில் நானூறு யோசனை அளவுடைய நிலமானது அகன்ற பாதலத்திற்குள் வீழ்ந்து கேடு எய்தும்,   எனவே நீண்ட நிலத்தை ஆளும் அரசனே, நீயும் உன் மக்களும் இந்நகரத்தைவிட்டு நீங்குக என்று கூறுகிறார்.

        அதனைச் செவியுற்ற அரசனும், மக்களையெல்லாம் தத்தம் ஆடு, மாடுகளைக் காப்பாற்றி, அந்த  நகரத்தை விட்டு நீங்கும்படி  முரசு அறிவித்துச் செய்திசொன்னான்.  அரசனும் தனது கடல்போன்ற  சேனையுடன் இடவயம் என்ற அந்த நகரத்தை விட்டு விலகி வடதிசையில் உள்ள அவந்தி தேசத்தைநோக்கிப் புலம்பெயர்ந்தான்.  அவ்வாறு பெரும் சேனையுடன் பயணம் மேற்கொள்ளும்போது காயங்கரை என்ற பெரிய ஆற்றின் கரையில் ஒரு பூவனத்தில் தனது சேனையுடன் இளைப்பாறினான்.  அவர்கள் அங்கிருந்து பாதுகாப்பான இடத்திற்கு வந்த நேரத்தில், பிரம்மதருமன் கூறியபடியே நிலநடுக்கம் ஏற்பட்டு இடவயம் என்ற அந்த நகரம் ஒரு பெரிய நிலநடுக்கத்தில் இந்தப் பூமிக்குள் புதைந்துபோனது.   இதனைக் கேள்விப்பட்ட மன்னரும், அவனுடைய மக்களும் மிக்க அதிசயித்து, அந்தத் பிரம்மதருமனைத் துதித்து அவனது பாதங்களில் விழுந்து வணங்கினர் என்கிறது மணிமேகலை.

மணிமேகலை குறிப்பிடும் கடல்கோள் -

        மேற்கண்ட பாடல்வரிகளில் கீழ்க்கண்ட தகவல்கள் கிடைக்கின்றன.  

நிலநடுக்கம் - இந்தப் பாடலில் நிலநடுக்கம் உண்டாகிப் பூமியின்  பாதலத்திற்குள் நிலம் அமிழ்ந்து, அதனால் கடல்கோள் உருவாகும் நிகழ்ச்சி கூறப்பட்டுள்ளது.   நிலநடுக்கம் குறித்த பதிவுடைய இலக்கியமாக மணிமேகலை உள்ளது.  இவ்வாறு நிலநடுக்கம் பற்றி உலகில் வேறுபிற இலக்கியங்களில் குறிப்புகள் இருப்பதாக அறியப்படவில்லை.  இவ்வகையில் மிகவும் தொன்மையான நிலநடுக்கம் மற்றும் கடல்கோள் பற்றிய செய்தியைக் குறிப்பிடும் இலக்கியமாக மணிமேகலை உள்ளது.

உருவான இடம் - நிலநடுக்கம் உருவான இடம் மிகவும் தெளிவாகக் கூறப்பட்டுள்ளது.  அது “நீண்ட நிலம்” என்று குறிப்பிடப்பட்டுள்ளது.  நிலத்தை அதன் பரப்பளவினால் குறிப்பிடாமல் நீளத்தினால் குறிப்பிடுகிறது.  இதனால் அது ஒரு நீண்ட தீவு என்பது உறுதியாகிறது.

 

இடத்தின் அளவு -  நிலநடுக்கம் எங்கே உண்டாகும்? என்று கண்டறிவதற்கான அறிவியில் தொழில்நுட்பம் ஏதும் இந்நாளில் கண்டறியப்படவில்லை.  

ஆனால் மணிமேகலையில்,  நாகநாட்டில் 400 யோசனை அளவுடைய நிலம் பாதலத்திற்குள் அமிழ்ந்து போகும் என்று, நிலத்தின் அளவு கூறப்பட்டுள்ளது. 

யோசனை என்பது 9 மைல் (14.4 கி.மீ),  

காதம் என்பது பத்துமைல்(16.80)கி.மீ.  

https://kalairajan26.blogspot.com/2014/12/blog-post.html).  

எனவே 400 யோசனை என்பது சுமார் 5,600 கி.மீ. ஆகும்.  அதாவது சுமார் 5600 கி.மீ. அளவுடைய நிலமானது நிலநடுக்கத்தால் புடைபெயர்ந்து கடலின் உள்ளே அமிழ்ந்து போய்விட்டது என்கிறது மணிமேகலை.

காலம் - நிலநடுக்கம் எப்போது உண்டாகும்? என்று கண்டறிவதற்கான அறிவியில் தொழில்நுட்பமும் இந்நாளில் கண்டறியப்படவில்லை.  ஆனால் மணிமேகலையில் இன்னும் 7 நாளில் இங்கே பெருநிலநடுக்கம் உண்டாகும் என்று தெளிவான காலக்கணிப்பு கூறப்பட்டுள்ளது.   எவ்வாறு நிலநடுக்கத்தை  முன்கூட்டியே அந்தத் துறவி கண்டறிந்து மன்னனிடம் வந்து கூறினார்?  அவர் பயன்படுத்திய தொழில் நுட்பம் என்ன? என்று அறியப்படவில்லை.   ஆனால் மணிமேகலை காலத்தில் நிலநடுக்கம் உருவாவதற்கு 7 நாட்களுக்கு முன்பே அதை அறிந்து கொண்டு மன்னனையும் மக்களையும் காப்பாற்றியதாக மணிமேகலை குறிப்பிடுகிறது. 

கருவி - நிலநடுக்கம் எப்போது உண்டாகும்? என்று கண்டறிவதற்கான அறிவியில் தொழில்நுட்பம் ஏதும் இந்நாளில் கண்டறியப்படவில்லை.  

வடக்கே புலம் பெயர்தல் -  நிலநடுக்கம் உண்டாகி நீண்ட நிலம் பூமிக்குள்ளே பாதலத்திற்குள் அமிழ்து அழியப்போகிறது என்ற செய்தி அறிந்தவுடன்,  மன்னன் தனது நாட்டு மக்களுடன் வடதிசை நோக்கிப் பயணத்தான் என்கிறது மணிமேகலை.   அதாவது நிலநடுக்கமும் கடல்கோளும் நிகழும் போது மற்றபிற திசைகளில் தப்பிச் செல்வதை விட வடதிசை நோக்கிப் பயணித்துச் செல்வதே பாதுகாப்பாக அந்த நாட்டு மக்களுக்கு இருந்துள்ளது என்பதை இதன் வழியாக அறிந்து கொள்ள முடிகிறது.

குறிப்பு: நாவலந்தீவில் [இந்தியாவில்] இரண்டாயிரம் ஆண்டுகளுக்குமுன்பு நிகழ்ந்த, நிலநடுக்கம் குறித்த தகவலை மணிமேகலை - பீடிகை கண்டு பிறப்புணர்ந்த காதை கூறுகிறது.  

மணிமேகலை பத்மபீடத்தை வணங்கி முன்பிறப்பை உணர்தல் -

பத்மபீடத்தைக் கண்டதும் மணிமேகலை தன்னையறியாமல் தனது காந்தள்மலர்போன்ற கரங்களைத் தலைக்குமேலாகக் குவித்து வணங்கினாள்.  நெஞ்சம் உருகி அவள் சிந்திய கண்ணீர் மார்பில் விழுந்து அவளுடைய முலைகளை நனைத்தது.  ஒருவிதப் பரவசநிலையுடன் மெல்ல அடியெடுத்து அந்தப் பீடத்தை மூன்றுமுறை சுற்றிவந்தாள்.  மின்னல்கொடி மேகத்திலிருந்து தரையில் வீழ்ந்ததுபோல தரையில் நெடுஞ்சாண்கிடையாக விழுந்து மணிமேகலை அந்தப் பீடத்தை வணங்கினாள்.  அப்போது புத்தமதநெறியில் ஒழுகிய பிரம்மதருமன் என்ற அருந்தவ முனிவன் ஒருவன் அவளுடைய முற்பிறவியில் கூறியது நினைவில் எழுந்தது. தன் எதிரில் அந்த அருந்தவ முனிவன் நிற்பதுபோன்ற தோற்றம் அவள் சிந்தையில் எழுந்தது.

“நினைவிருக்கிறதா, அய்யனே? அசோதரம் என்னும் பட்டிணம் ஒன்று உண்டு. எப்போதும் கடல் அலைகளின் பேரரவம் அந்த நகரில் ஒலித்துக் கொண்டிருக்கும். அந்த நகரத்தை இரவிவர்மன் என்ற மன்னன் ஆட்சிபுரிந்துவந்தான். அவனுக்கு அமுதபதி என்ற ஒரு மனைவி. கொள்ளை அழகு அவள்.  செம்பஞ்சுக் குழம்பு பூசப்பட்ட மென்மையான பாதங்களை உடையவள். அவளுடைய மணிவயிற்றில் இலக்குமி என்ற பெயருடன் நான் மகளாகப் பிறந்தேன்.  

      

அதே சமயம் அத்திபதி என்றொரு அரசன் இருந்தான். அவன் சித்திபுரம் என்ற நாட்டையாண்டு வந்த சீதரன் என்னும் அரசனின்மகள் நீலபதியை திருமணம் புரிந்துகொண்டான்.   அவர்கள் இருவருக்கும் இராகுலன் என்ற பெயரில் ஒரு புதல்வன் பிறந்து வலிமையுடன் வளர்ந்துவந்தான்.  இலக்குமிக்கு மணப்பருவம் எய்தியவுடன், சித்திபுர மன்னன்மகன் இராகுலனை மணமகனாக மணம்பேசினர்.  காலைக்கதிரின் ஒளிக்கீற்றுபோல மின்னும் இராகுலனை முந்தைய பிறவியில் இலக்குமியாகப் பிறந்த நான் மணம்புரிந்து அவனுடைய நாட்டை அடைந்தேன்.  எங்கள் இல்லறவாழ்வு இனிதாகப் போய்க்கொண்டிருந்த வேளையில் ஒருநாள் உன்னைக் கண்டு வாழையடிவாழையாகத் தொழப்பட்டு வணங்கப்படும் உங்கள் (பிரம்மதருமன் ) திருவடிகளில் பணிந்தோம்.   அப்போது  நீங்கள் சொன்னது நினைவில் இருக்கிறதா, பெருமானே?” என்று கேட்டாள் மணிமேகலை.

அன்று அவர் சொன்னது நினைவில் எழுந்தது.

“ இன்னும் பதினாறு நாட்கள்தான் உன் கணவன் உயிருடன் இருப்பான். அவன் காலம் வரும்போது திட்டிவிடம் என்ற கொடிய நஞ்சுடைய பாம்பினால் தீண்டப்பட்டு உயிர்துறப்பான்.  உடனே நீயும் அவனுடன் உடன்கட்டை ஏறி தீயில் உயிரை விடுவாய். பழவினையின் காரணமாக நடைபெற இருக்கும் செயல்கள் எதுவும் உனக்கு இந்த ஊரில் இல்லாததால், காவேரி மன்னனின் மகளாகப் பிறந்த காவேரிநதி கன்னி நதியாகக் கடலில் கலக்கும் காவேரிப்பட்டிணம், புகார் என்று பெயர்களுள்ள ஊரில் பிறப்பாய்,’ என்று கூறினீர்களே, நினைவிருக்கிறதா?”  ‘அப்போது உனக்கு ஒரு பெரிய இடர் நேரிடும்.  உன்னுடைய குலதெய்வமான  மணிமேகலாதெய்வம்,  இளவரசன் 

உதயகுமாரனிட மிருந்து உன்னைக் காப்பாற்றி, அந்தத் துயரை நீக்கும்பொருட்டு உன்னைத் தொலைவில் உள்ள தீவு ஒன்றில் கொண்டுவைத்து உன்னுடைய துன்பத்தைத் தீர்க்கும்,’ என்று என்னிடம் கூறினீர்கள். நினைவிருக்கிறதா?”  “ ‘நாகநாட்டு  மன்னர்கள்  இருவரும் அங்கு வந்த புத்தபிரானின் அறிவுரைகளைக் கேட்டுச் சினம் ஒழிந்த அந்நாளில் முற்பிறப்பு இரகசியங்களைக் கூறும் பத்மபீடம் தோன்றும்.’ என்றீர்கள். 

அந்த புத்தபீடத்தின்முன் வந்து நிற்கும்போது, என்னுடைய முந்தைய பிறவி குறித்த இரகசியம் எனக்கு வெளிப்படும்,’ என்றீர்கள். இப்போது  எனக்கு முற்பிறவி  முழுவதும் தெளிவாகத் தெரிந்துவிட்டது.” என்றவள் சிறிது நேரம் அமைதியுடன் இருந்தாள்.

மதுரைக்கு வந்த சுனாமி வந்ததா? எப்போது வந்தது? எப்படி வந்தது?

மதுரைக்கு வந்த சுனாமி வந்ததா?  

எப்போது வந்தது? 

எப்படி வந்தது?

ஆழிப்பேரலை (சுனாமி) மீண்டும் வருமா?

வந்தால் என்ன செய்வது? எப்படிச் செய்வது?

அனைத்து வல்லரசுகளும் பயப்படுகின்றன.

உலகமக்கள் எல்லாம் உயிருக்கு அஞ்சுகின்றனர்.

சப்பான் நாட்டில் சுனாமியால் அணுஉலை எரிந்தது.

தமிழ்நாட்டிலும் இதுபோல் சுனாமி வந்தால், கூடங்குளம் அணுமின்நிலையம் பாதிக்கப்படும் என்று அஞ்சுகின்றனர்.  எனவே அணுமின்நிலையத்தை அரைகிலோமீட்டர் தள்ளிக் கட்டவேண்டும் என்றும் கூறுகின்றனர்.

ஆனால் மதுரைக்கு சுனாமி வந்துள்ளது!

எப்போது வந்தது? எப்படி வந்தது? என்ன என்ன அழிந்தன? யார் யார் பிழைத்தார்கள்?

எப்போது வந்தது?

அதுலகீர்த்தி என இருபத்திரண்டு மைந்தர் வழிவழியாக, பாண்டிய நாட்டைக் காத்துவந்தனர்.  இவர்களுள், பழிதவிர் அதுலகீர்த்திபாண்டியன் என்னும் மன்னனின் மகன் கீர்த்திபூசணன் செங்கோலோச்சி ஆட்சி செய்து வந்த காலத்தில் ஒருநாள் ஆழிப்பேரலை பொங்கி மதுரை வரை வங்கக்கடல் வந்துள்ளது.

எப்படி வந்தது?

கருங்கடல் ஏழும் ஒருசேரப் பொங்கி மேலே எழுந்து,  பெரிய உருவம் பெற்று,  சீறிப் பாய்ந்து, வெகுண்டு ஆரவாரித்து, காவல் கரையைக் கடந்து வந்தன. விண்ணுலகையும், மண்ணுலகையும், இணைக்கின்ற  பெரிய பொன்னையுடைய எட்டு மலைகளும், பெருங்கடி நேமி(சக்கரம்) வரை(பாதுகாப்புச் சுவர்) யும்,  பெரிய அச்சத்தைத் தரும் சக்கரவாள கிரியும் தங்களது நிலையிலிருந்து பெயர்ந்தன.  பிரளயத்தின்மீது இன்னுமொரு பிரளயம் கோர்த்து வந்தது.

இவை அனைத்தும், அப்பெருஞ் சலதி வெள்ளத்தின்  உள்ளே சென்று விட்டன. கடல் வெள்ளத்துள் மூழ்கி, அழிவு இலாத  பெரிய பூமியும், ஏழு தீபகற்பங்களும், ஏழு தீவுகளும், இவைகளிலே தங்கிநிற்பனவும் செல்வனவுமாகிய பொருள்களும், உயர்ந்த மலைவகைகளும் கடல் அலைகளுள் சென்றன.

என்ன என்ன அழிந்தன? யார் யார் பிழைத்தார்கள்?

ஒன்றல்ல, இரண்டல்ல, மூன்றல்ல, நான்கு முறை ஆழிப்பேரலையானது (சுனாமி) மதுரைக்கு வந்து சென்றதாகத் திருவிளையாடற் புராணம் குறிப்பிடுகிறது.

சங்க காலத்திலே, பொங்கி வந்த ஆழிப்பேரலையானது தமிழகத்தையே  அழித்து மேற்கே சென்றுள்ளது. பிரளயத்திற்குமேல் மற்றொரு பிரளயம் உண்டாகியுள்ளது. இதனால் எழுகடலும் பொங்கி எழுந்துள்ளன.  அப்போது மதுரையின் வடக்கு எல்லையாக விளங்கும் யானைமலையும், தெற்கு எல்லையாக விளங்கும் திருப்பரங்குன்றமலையும் தங்களது இடங்களிலிருந்து பெயர்ந்து ஆட்டம் கண்டுள்ளன. கடல் அலையானது பொங்கி எழுந்து வந்து யானைமலையும் திருப்பரங்குன்ற மலையும் மூழ்கடித்துள்ளன.  மலைகளையெல்லாம் மூழ்கடித்த அந்த அழித்த ஆழிப்பேரலையானது மேற்குத் தொடர்ச்சி மலையையும் தாண்டிச் சென்று அரபிக்கடலில் கலந்துள்ளது. 

மலைகள் எல்லாம் ஆடும்படியாக அடுக்கடுக்காகப் பிரளயம் உண்டானபோது பொங்கி எழுந்த கடல் அலையானது ஒரே சேறும்சகதியுமாக இருந்துள்ளது.  இந்த அலையில் அனைத்தும் அடித்துச் செல்லப்பட்டன.

பிரளயம் வற்றிய போது கடல்நீர் மீண்டும் கடலுக்குள் செல்லும் போது, அடித்துச் செல்லப்பட்ட பொருட்கள் எல்லாம் வைகை ஆறு கடலில் கலக்கும் இடத்தில் மேடாக உள்ளது.  இதனால் இந்த இடம் “முகவை“ என்றும் சேதுக்கரை என்றும் பெயர் பெறலானது.  இந்த இடங்களை அறிவியல் அடிப்படையில் ஆராய்ந்தால் தமிழரின் தொன்மைச் சான்றாதாரங்கள் எளிதில் கிடைக்கும்.

அன்பன்
முனைவர் நா.ரா.கி. காளைராசன்

18 பிப்ரவரி 2013

மதுரைக்கு வந்த சுனாமி நாகமலை தோன்றியது எப்படி?

மதுரைக்கு வந்த சுனாமி

நாகமலை தோன்றியது எப்படி? 

ஆழிப்பேரலை (சுனாமி) மீண்டும் வருமா?

வந்தால் என்ன செய்வது? எப்படிச் செய்வது?

அனைத்து வல்லரசுகளும் பயப்படுகின்றன.

உலகமக்கள் எல்லாம் உயிருக்கு அஞ்சுகின்றனர்.

சப்பான் நாட்டில் சுனாமியால் அணுஉலை எரிந்தது.

தமிழ்நாட்டிலும் இதுபோல் சுனாமி வந்தால், கூடங்குளம் அணுமின்நிலையம் பாதிக்கப்படும் என்று அஞ்சுகின்றனர்.  எனவே அணுமின்நிலையத்தை அரைகிலோமீட்டர் தள்ளிக் கட்டவேண்டும் என்றும்

கூறுகின்றனர்.

ஆனால் மதுரைக்கு சுனாமி வந்துள்ளது!

எப்போது வந்தது?

எப்படி வந்தது?

என்ன என்ன அழிந்தன?

யார் யார் பிழைத்தார்கள்?

எப்போது வந்தது?

அதுலகீர்த்தி என இருபத்திரண்டு மைந்தர் வழிவழியாக, பாண்டிய நாட்டைக் காத்துவந்தனர்.  இவர்களுள், பழிதவிர் அதுலகீர்த்திபாண்டியன் என்னும் மன்னனின் மகன் கீர்த்திபூசணன் செங்கோலோச்சி ஆட்சி செய்து வந்த காலத்தில் ஒருநாள் ஆழிப்பேரலை பொங்கி மதுரை வரை வங்கக்கடல் வந்துள்ளது.

எப்படி வந்தது?

கருங்கடல் ஏழும் ஒருசேரப் பொங்கி மேலே எழுந்து,  பெரிய உருவம் பெற்று,  சீறிப் பாய்ந்து, வெகுண்டு ஆரவாரித்து, காவல் கரையைக் கடந்து வந்தன. விண்ணுலகையும், மண்ணுலகையும், இணைக்கின்ற  பெரிய பொன்னையுடைய எட்டு மலைகளும், பெருங்கடி நேமி(சக்கரம்) வரை(பாதுகாப்புச் சுவர்) யும்,  பெரிய அச்சத்தைத் தரும் சக்கரவாள கிரியும் தங்களது நிலையிலிருந்து பெயர்ந்தன.  பிரளயத்தின்மீது இன்னுமொரு பிரளயம் கோர்த்து வந்தது.

இவை அனைத்தும், அப்பெருஞ் சலதி வெள்ளத்தின்  உள்ளே சென்று விட்டன. கடல் வெள்ளத்துள் மூழ்கி, அழிவு இலாத  பெரிய பூமியும், ஏழு தீபகற்பங்களும், ஏழு தீவுகளும், இவைகளிலே தங்கிநிற்பனவும் செல்வனவுமாகிய பொருள்களும், உயர்ந்த மலைவகைகளும் கடல் அலைகளுள் சென்றன.

என்ன என்ன அழிந்தன?

யார் யார் பிழைத்தார்கள்?

ஒன்றல்ல, இரண்டல்ல, மூன்றல்ல, நான்கு முறை ஆழிப்பேரலையானது (சுனாமி) மதுரைக்கு வந்து சென்றதாகத் திருவிளையாடற் புராணம் குறிப்பிடுகிறது.

சங்க காலத்திலே, பொங்கி வந்த ஆழிப்பேரலையானது தமிழகத்தையே  அழித்து மேற்கே சென்றுள்ளது. பிரளயத்திற்குமேல் மற்றொரு பிரளயம் உண்டாகியுள்ளது. இதனால் எழுகடலும் பொங்கி எழுந்துள்ளன.  அப்போது மதுரையின் வடக்கு எல்லையாக விளங்கும் யானைமலையும், தெற்கு எல்லையாக விளங்கும் திருப்பரங்குன்றமலையும் தங்களது இடங்களிலிருந்து பெயர்ந்து ஆட்டம் கண்டுள்ளன. கடல் அலையானது பொங்கி எழுந்து வந்து யானைமலையும் திருப்பரங்குன்ற மலையும் மூழ்கடித்துள்ளன.  மலைகளையெல்லாம் மூழ்கடித்த அந்த அழித்த ஆழிப்பேரலையானது மேற்குத் தொடர்ச்சி மலையையும் தாண்டிச் சென்று அரபிக்கடலில் கலந்துள்ளது. 

நாகமலை தோன்றியது

மலைகள் எல்லாம் ஆடும்படியாக அடுக்கடுக்காகப் பிரளயம் உண்டானபோது பொங்கி எழுந்த கடல் அலையானது ஒரே சேறும்சகதியுமாக இருந்துள்ளது.  இந்த அலையில் அனைத்தும் அடித்துச் செல்லப்பட்டன.  ஆனால், ஒரேயொரு விருட்சம் (மரம்) மட்டும் இவ்வளவு பெரிய  பிரளயத்திலும் ஆடாமல் அசையாமல் பூமிஉருண்டையின் மேல் ஒரு ஆணியை அடித்து வைத்தது போல், அப்படியே நிலையாக ஆழிப்பேரலையை (சுனாமியை) எதிர்த்து நின்றது.  

தண்ணீர் பாய்ந்து ஓடும் ஒரு மணற்பரப்பின் நடுவில் ஒரு குச்சியை நிலையாக நிறுத்தி வைத்தால், நீரோட்டத்தினால் அடித்துவரப்படும் மணல்கள் அந்தக் குச்சிக்குப் பின்புறம் சென்று நீண்டதொரு மேட்டினை உருவாக்கும்.  அலைகள் மிகுந்த கடற்கரையில் நாம் நின்றால், அலையானது நமது கால்களைத் தாண்டிச் செல்லும் போது, நமது கால்களுக்குப் பின்புறமாக ஒரு நீண்ட மணல்மேட்டினை உருவாக்குவதைக் காணலாம்.  இதனைச் செயற்கையாகவும் நாம் சோதனை செய்தும் பார்க்கலாம்.

இதுபோன்றே, கடல் அலையால் அரிந்து வரப்பட்ட  பொருட்கள் இந்த விருட்சத்தில் மேல் மோதி நிலைகொண்டு விருட்சத்திற்குப் பின்புறமாகச் சென்று,   மணலும் சேறும் சகதியும் நிறைந்த ஒரு நீண்ட நெடிய மேட்டினை உருவாக்கிவிட்டது.   இந்த மேட்டில் கடலிலிருந்து அடித்துவரப்பட்ட கடல்நீர், மணல், சகதி மற்றும் வரும் வழியில் இருந்த அனைத்து வகையான மரம் செடிகொடுகளும், மற்றும் உயிரினங்களும் படிந்து விட்டன.

இவ்வாறு உண்டான மணல்மேட்டுப் படிமம் பலமைல் தூரத்திற்கு நீண்டு சென்றுள்ளது.   

இப்போது பல இலட்சக்கணக்கான ஆண்டுகள் பல கழிந்து, யுகங்கள் மாறிவிட்டன.  இத்தனை ஆண்டுகளில், பூமியின் மேற்பரப்பில் ஏற்பட்ட அழுத்தத்தினாலும் மற்றும்பல இயற்கைக் காரணங்களாலும் இந்தப் படிமமானது அப்படியே பாறைபோல் மாறிவிட்டது.  இப்போது இந்த மேடானது, “நாகமலை“ என்று அழைக்கப்படுகிறது.  யானைமலையும் திருப்பரங்குன்றமலையும் கடும்பாறைகளாக இருக்க, நாகமலைமட்டும் கடும் பாறையாக இல்லாமல், மணற்குன்றாக இருப்பதை இன்றும் காணலாம்.   இதே போன்று பழமுதிர்சோலைமலையையும் (அழகர்கோயில்மலை) ஆழிப்பேரலையானது தாங்கியுள்ளதால் அங்கேயும் இதுபோன்ற படிமங்களைக் காணலாம்.  

ஆழிப்பேரலையாலும் அசைக்க முடியாமல் பூமியின் மேல் ஆப்புப் (ஆணி அடித்தது) போன்று அசையாமல் நின்ற அந்த விருட்சமானது, காலப்போக்கில் படிமம் ஆகியுள்ளது.  இப்போது “ஆப்புடையார்“ என்று அழைக்கப்படுகிறது.  மிகப் பெரிய பிரளயத்திலும் அசையாமல் நின்ற திருவாப்புடையார் உள்ளது பகுதியானது திருவாப்பனூர் என்று பெயர் பெயரலாயிற்று.

திருஆப்புடையார் போன்று, திருப்பரங்குன்றமலையும் ஆழிப்பேரலையை எதிர்த்து நின்றதால், திருப்பரங்குன்றமலைக்கு மேற்குப் பகுதியிலும் நாகமலைக்கு இணையாக ஒரு சிறிய படிம மலைத் தொடர் இருப்பதைக் காணலாம்.

தமிழர்களின் தொன்மையான சான்றுகள் அனைத்தும் நாகமலையில் புதையுண்டு கிடக்கின்றன.  நாகமலையை அறிவியல் அடிப்படையில் ஆராய்ந்தால்,  தமிழரின் தொன்மையான வரலாறுச் சான்றுகள் எளிதில் கிடைக்கும்.

பிரளயம் வற்றிய போது கடல்நீர் மீண்டும் கடலுக்குள் செல்லும் போது, அடித்துச் செல்லப்பட்ட பொருட்கள் எல்லாம் வைகை ஆறு கடலில் கலக்கும் இடத்தில் மேடாக உள்ளது.  இதனால் இந்த இடம் “முகவை“ என்றும் சேதுக்கரை என்றும் பெயர் பெறலானது.  இந்த இடங்களை அறிவியல் அடிப்படையில் ஆராய்ந்தால் தமிழரின் தொன்மைச் சான்றாதாரங்கள் எளிதில் கிடைக்கும்.

ஆடாமல் அசையாமல் நின்று அருள்மிகு திருவாப்புடையாரை வணங்கினால், பிரளயம்போல் தோன்றும் வினைகளையும் எதிர் கொள்ளும் சக்தியைப் பெறலாம். 

திருச்சிற்றம்பலம்.

18 பிப்ரவரி 2013

மதுரைக்கு வந்த சுனாமி (பெனுகொண்டா)

மதுரைக்கு வந்த சுனாமி (பகுதி - 5)

மண் கடல் வௌவலின் (பெனுகொண்டா)

“மலி திரை ஊர்ந்து தன் மண் கடல் வௌவியது“ என்கிறது கலித்தொகை“ .(104). மிகப்பெரிய பிரளயம் (சுனாமி) தோன்றி பாண்டியநாட்டைத் தாக்கி அழித்தது என்று திருவிளையாடற் புராணம் கூறுகிறது. திரைகடலானது மலிந்து, கரைகடந்து, பண்டைத் தமிழகத்திற்குள் புகுந்தது உண்மையா? அதற்கான எச்சங்கள் கிடைக்கின்றனவா? கடல்மண் கிடக்கின்றனவா?
ஆம், கிடக்கின்றன! இவ்வகையான “கடல்மண்“ படிமப் பாறைகளைப் “பொக்குப் பாறைகள்“ என்கின்றனர். தமிழகத்தில் பிரளயம் பேர்த்த பாறைகளுக்கு இடையேயும், கிரானைட் மலைக்குன்றுகளில் பாறைகளின் இடுக்குகளிலும், சமவெளிகளில் பூமிக்கு உள்ளேயும் பொக்குப் பாறைகளைக் காண முடிகிறது.


திருச்செந்தூர், விருப்பாச்சி, பிரச்சந்திரா முதலான ஊர்களில் பிரளயம் பேர்த்த பாறைகளைப் படத்துடன் பார்த்தோம். மேலும் திருமலை, தொப்பூர், சூளகிரி, பெரச்சந்திரா முதலான ஊர்களில் மலைக்குன்றுகளில் படிந்துள்ள கடல்மண் படிமங்களைப் படங்களுடன் பார்த்தோம். இதன் தொடர்ச்சியாக ...
பெங்களூரு கைதராபாத் மார்க்கத்தில் பெனுகொண்டா என்ற ஊருக்கு அருகே உள்ள சிறு மலைக் குன்றில் “மலி திரை ஊர்ந்து மண் கடல் வௌவிய“ மண்படிமங்கள் காணக்கிடக்கின்றன.

ஆந்திராவில் புத்பூர் மற்றம் ராஜ்பூர் இடையே அடுத்த தேடுதல் தொடர்கிறது ... ...

கட்டுரையாளர் –
காசிஸ்ரீ முனைவர் நா.ரா.கி. காளைராசன்,
Kalairajan Krishnan
20 மே, 2017 ·

மண் கடல் வௌவலின் (சூளகிரி) மதுரைக்கு வந்த சுனாமி (பகுதி - 5)

மண் கடல் வௌவலின் (சூளகிரி)

மதுரைக்கு வந்த சுனாமி (பகுதி - 5)

தொல்லியல்துறையினர் மதுரைக்கு அருகே கீழடியிலிருந்து கொந்தகை செல்லும் சாலை அருகே மிகவும் பழைமையான நகர நாகரிகம் ஒன்றைக் கண்டறிந்து ஆய்வு செய்து வருகின்றனர். இந்தத் தொன்மையான நகரத்தின் பெயர் “மணவூர்“ என்கிறது திருவிளையாடல் புராணம்.

பண்டைய மதுரையும் மணவூரும் எவ்வாறு அழிந்தன?.
“மலி திரை ஊர்ந்து தன் மண் கடல் வௌவியது“ என்கிறது கலித்தொகை“ .(104). மிகப்பெரிய பிரளயம் (சுனாமி) தோன்றி பாண்டியநாட்டைத் தாக்கி அழித்தது என்று திருவிளையாடற் புராணம் கூறுகிறது. திரைகடலானது மலிந்து, கரைகடந்து, பண்டைத் தமிழகத்திற்குள் புகுந்தது உண்மையா? அதற்கான எச்சங்கள் தமிழகத்தில் கிடைக்கின்றனவா? கடல்மண் தமிழகமலைகளில் கிடக்கின்றனவா?

ஆம், கிடக்கின்றன! இவ்வகையான “கடல்மண்“ படிமப் பாறைகளைப் “பொக்குப் பாறைகள்“ என்கின்றனர். தமிழகத்தில் பிரளயம் பேர்த்த பாறைகளுக்கு இடையேயும், கிரானைட் மலைக்குன்றுகளில் பாறைகளின் இடுக்குகளிலும், சமவெளிகளில் பூமிக்கு உள்ளேயும் இவ்வகைப் பாறைகளைக் காண முடிகிறது.

கிருஷ்ணகிரி ஓசூர் இடையே நெடுஞ்சாலையில் சூளகிரி அருகே உள்ள பாறைகளுக்கு இடையே “மலி திரை ஊர்ந்து மண் கடல் வௌவிய“ மண்படிமங்கள் காணக்கிடக்கின்றன.

இந்த இடத்தில் மேலும் கீழும் கடினமான கிரானைட் பாறைகள் இருக்கின்றன. இந்தப் பாறைகளுக்கு இடையே பொக்குப்பாறை என்று அழைக்கப்படும் கடல்வௌவிய மண் திட்டுக்கள் எளிதில் நன்றாகக் காணக் கிடைக்கின்றன.   அடுத்து ஆந்திராவில் பெரச்சந்திரா அருகே அடுத்த தேடுதல் தொடர்கிறது ... ...

அன்பன்
காசிஸ்ரீ முனைவர் நா.ரா.கி. காளைராசன்

மதுரைக்கு வந்த சுனாமி, பகுதி – 4, மதுரையைக் கடல் வௌவியது:

மதுரைக்கு வந்த சுனாமி (பகுதி – 4)
மதுரையை வங்கக் கடல் வௌவியது:

2004ஆம் ஆண்டு தமிழகத்தைச் சுனாமி தாக்கியது. ஆனால் இதைப்போலப் பல ஆயிரம் மடங்கு பெரிதான மிகப்பெரிய சுனாமி தோன்றி மதுரையை அழிந்தது பற்றித் திருவிளையாடல் புராணம் ஆலவாய் காண்டத்தில் விரிவாகக் கூறுகிறது.

பேய்களும் கண்ணுறங்கும் நடு இரவில், குருட்டு இருளில் வங்கக் கடலில் பிரளயம் உண்டானது.  இதனால் நிலம் நடுக்கியது.  வங்கக் கடல் பொங்கி எழுந்தது.  கடல்  அலைகள் அண்டகூடம் முழுதும் ஊடுருவிச் சென்றன. கடல் வெள்ளம் பெருகி ஆரவாரித்து விண்ணுயர எழுந்தது.  மண்ணுலகத்தாரும் விண்ணுலகத்தாரும் அஞ்சுமாறு பெரிய கரிய மலை போல் அலைகள் தோன்றி எழுந்து வந்தன.
நஞ்சு பொருந்திய வாயினையும், கரிய உடலையும் உடையது இராகு என்னும் பாம்பு.  இந்தக் கொடிய பாம்பானது ஞாயிறுடன் திங்கள் சேரும்போது (சூரிய கிரகணம்) விரைந்து விழுங்கிவிடும்.  அதைப் போன்று, மரக்கலங்கள் செல்லும் கடலின் வெள்ளமானது,  மாடங்களையுடைய மதுரையை விரைந்து விழுங்கியது.
வட்டமாகிய ஆமைகளைக் கேடயங்களாகவும், வாளை மீன்களை வாட்படைகளாகவும்,  மகரமீன்களை யானைப் படைகளாகவும்,  பரந்த அலைக் கூட்டங்களைத் தாவுகின்ற குதிரைப் படையாகவும், கடலில் மிதந்த தோணிகளைத் தேர்ப் படைகளாகவும் கொண்டு கடல் அலைகள் தோன்றி எழுந்தன.  வானளவிய கோட்டை மதில் சூழ்ந்த மதுரையின் கிழக்குத் திசையில் உக்கிர பாண்டியன்மேல் போருக்கு எழுந்ததைப் போன்று பிரளயத்தில் தோன்றிய கடல் வெள்ள அலைகள் வானுயரத் தோன்றி வந்தன.

தொடரும்...

கட்டுரையாளர் – காசிஸ்ரீ முனைவர் நா.ரா.கி. காளைராசன், kalairajan26@gmail.com,  9443501912
நாள் – வைகாசி 13 (27.05.2017) சனிக்கிழமை

குறிப்பு - கட்டுரையாளர் தான் படித்த திருவிளையாடற் புராணம் பாடல்கள், நேரில் பார்த்த மண் மற்றும் மலைகளின் அமைப்புகள், கூகுள் புவிப்படங்கள் இவையனைத்தும் ஒன்றுடன் ஒன்று இயைபு உடையனவாக உள்ளன என்ற கருதுகிறார்.  மதுரை மணவூர் (கீழடி) மற்றும் தமிழகம் முழுமையும் சுனாமியால் அளித்துள்ளன என்ற  கருத்தை இக் கட்டுரையில் பதிவு செய்கிறார்)

பரஞ்சோதி முனிவர் மொழிபெயர்த்துப் பாடியருளிய பிரளயம் கூறும் திருவிளையாடற் புராணப் பாடல்கள் சில.

1037.
பொருங்கடல்வேந்தனைக்கூவிப்பொள்ளென இருங்கடலுடுத்தபாரேமுமூழிநாள் ஒருங்கடுவெள்ளமொத்துருத்துப்போய்வளைந் தருங்கடிமதுரையையழித்தியாலென்றான்.

1038.
விளைவதுதெரிகிலேன்வேலைவேந்தனும்
வளவயன்மதுரையைவளைந்திட்டிம்மெனக்
களைவதுகருதினான்பேயுங்கண்படை
கொளவருநனந்தலைக்குருட்டுக்கங்குல்வாய்.

1039
கொதித்தலைக்கரங்களண்டகூடமெங்குமூடுபோய்
அதிர்த்தலைக்கவூழிநாளிலார்த்தலைக்குநீத்தமாய்
மதித்தலத்தையெட்டிமுட்டிவருமொரஞ்சனப்பொருப்
புதித்ததொத்துமண்ணும்விண்ணுமுட்கவந்ததுததியே.

1040
வங்கவேள்வெள்ளமாடமதுரைமீதுவருசெயல்
கங்குல்வாயதிங்கண்மீதுகாரிவாயகாருடல்
வெங்கண்வாளராவிழுங்கவீழ்வதொக்குமலதுகார்
அங்கண்மூடவருவதொக்குமல்லதேதுசொல்வதே.

1041
வட்டயாமைபலகைவீசுவாளைவாள்கள்மகரமே
பட்டயானைபாய்திரைப்பரப்புவாம்பரித்திரள்
விட்டதோணியிரதமின்னவிரவுதானையொடுகடல்
அட்டமாகவழுதிமேலமர்க்கெழுந்ததொக்குமே.

1042
இன்னவாறெழுந்தவேலைமஞ்சுறங்குமிஞ்சிசூழ்
நன்னகர்க்குணக்கின்வந்துநணுகுமெல்லையரையிரா
மன்னவன்கனாவின்வெள்ளிமன்றவாணர்சித்தராய்
முன்னர்வந்திருந்தரும்புமுறுவறோன்றமொழிகுவார்.

நன்றி
(1) மேலேயுள்ள படமானது இணையத்தில் இருந்து எடுக்கப் பெற்றது. படத்தைப் பதிவு செய்தோருக்கு நன்றி.
(2) திருவிளையாடற்புராணம் பாடல்களை இணையத்தில் பதிவு செய்துள்ள தமிழ்இணையப் பல்கலைக்கழகத்திற்கு நன்றி.
(3) கூகுள் மேப் வழங்கிய புவிப்படத்திற்கு நன்றி.

கடல்கொண்ட கொடைக்கானல் - 2

கடல்கொண்ட கொடைக்கானல் !

தமிழகத்தைக் கடல்கொண்டதாகத் தமிழிலக்கியங்கள் பலவும் குறிப்பிடுகின்றன.  திருவிளையாடல் புராணத்தில் உள்ள எழுகடலை அழைத்த படலம், கடல்சுற வேல்விட்ட படலம், வருணன் விட்ட கடலை வற்றச் செய்த படலம், நான்மாடக் கூடலான படலம், திருவாலவாயான படலம் முதலான படலங்களில் மதுரையைக் கடல்கொண்ட குறிப்புகள் மிகுதியாக விரித்துப் பாடப் பெற்றுள்ளன.  குமரியை அடுத்துள்ள குமரிக்கோடு என்ற மலைத்தொடரையே கொடுங்கடல் கொண்டது என்ற குறிப்பும் உள்ளது.

இவ்வாறு ஒரு மலையே மூழ்கி அழியும் போது, அதனருகில் உள்ள தமிழகமும் கடலால் மூழ்கடிக்கப் பட்டிருக்க வேண்டுமல்லவா?

கடினமாக கருப்புநிறக் கிரானைட் பாறைகளால் ஆனது கொடைக்கானல் மலைத்தொடர்.  பாறைகள் சிதைந்துதான் மண்ணும் மணலும் தோன்றின என்கின்றனர் புவியியல் படித்தறிந்தோர்.  கொடைக்கானலில் உள்ள மண் திட்டுகளைப் பார்த்தால் அங்குள்ளகருப்புநிற கிரானைட் பாறைகள் சிதைத்து உருவான மண் திட்டுகள் போன்று தெரியவில்லை.  

ஆனால் கொடைக்கானல் மலைப் பாறைகளின் மீது மஞ்சள்நிற மண் மற்றும் செம்மண் கலந்து படிந்துள்ளன.  இவ்வாறான மண்திட்டுக்கள் படிந்துள்ள இடத்தில்தான் கோல்ப் விளையாட்டு மைதானம் அமைந்துள்ளது.

கருப்புநிற கிரானைட் பாறைகள் சிதைந்தா இந்த மண்திட்டுகள் உருவாகி யிருக்கும்?

இதே போன்ற அமைப்பிலான மண்திட்டுகளை அழகர்கோயில் மலை, திண்டுக்கல் அருகே விருப்பாச்சி மலை, திருத்தணி மலை முதலான தமிழகத்தில் உள்ள மலைகளில் எல்லாம் காணலாம்.  மேலும் இதே போன்ற அமைப்பிலான மண்திட்டுகளை ஆந்திரம் கர்நாடகத்தில் உள்ள மலைகளில் காணமுடிகிறது. 

குமரிக்கோட்டைக் கொடுங்கடல் கொண்ட போது தோன்றிய கடல்வெள்ளத்தினால் (பெருஞ் சுனாமியினால்) அடித்து வரப்பட்ட களிமண்தான் கொடைக்கானலில் உள்ள கிரானைட் பாறைகளின் மேல் படிந்துள்ளது என எண்ணத் தோன்றுகிறது !

அமெரிக்காவில் Lexington அருகில் உள்ள  Kentucky என்ற இடத்தில் இதுபோன்றே மண்திட்டுகள் காணப்படுகின்றன.  அவற்றை ஆராய்ந்த புவியியல் அறிஞர்கள் பிரளயத்தின்போது உண்டான நிலநடுக்கத்தினாலும் சுனாமியினாலும் உண்டாகி இருக்க வேண்டும் எனக் கருதுகின்றனர்.

1024px-Seismite_Ordovician_Kentucky_Close. Seismite formed by liquefaction of sediments during a Late Ordovician earthquake.

அமெரிக்காவில் கடினமான பாறைகளும், பொக்குப்பாறைகளும் கலந்து உருவாகியுள்ள இந்த அமைப்புப் போன்றே கொடைக்கானல் மலைத்தொடரிலும் காணக் கிடக்கின்றன.  

அமெரிக்காவில் நிலநடுக்கத்தினாலும் சுனாமியினாலும் இவ்வாறு உருவாகியுள்ளன என்றால்,  கொடைக்கானலில் உள்ள இந்தப் பாறைகளும் நிலநடுக்கத்தினாலும் சுனாமியினாலும்தானே உருவாகியிருக்க வேண்டும் ?

கொடைக்கானலில் இருந்து வங்கக் கடலானது சுமார் 200 கி.மீ. தொலைவில் உள்ளது.  தமிழகத்தின் கிழக்குக் கடற்கரையில்  இருந்து வங்கக்கடல்  ஊர்ந்து 200 கி.மீ. தொலைவைக் கடந்து வந்து, சுமார் 2000 மீட்டர் உயரமுள்ள கொடைக்கானல் மலைப் பாறைகளின் மேல் படிந்துள்ளது.  இவ்வளவு மாபெரும் கடல்கோளை (பெருஞ் சுனாமியை) யாரும் எளிதில் நம்பும் படியாக இல்லை.

ஆனால் கூகுள் புவிப்படத்தைப்  பார்த்தால், தமிழகத்திற்குக் கிழக்கே அந்தமான் தீவுகளுக்கு அருகே சுமார் 1965 கி.மீ. சுற்றளவும் 1,76,697 சதுர கி.மீ. பரப்பளவும் கொண்ட  ஒரு மாபெரும் நிலப்பரப்பு கடலில் மூழ்கி உள்ளதைக் காண முடிகிறது.   கடலில் மூழ்கியுள்ள இந்த நிலத்தின் பரப்பளவு தமிழகத்தின் பரப்பளவை விடக் கூடுதலாக உள்ளது.

இவ்வாறான ஒரு மாபெரும் நிலப்பரப்பு கடலில் மூழ்கும் போது உருவாகும் கடல்கோளை (பெருஞ் சுனாமியை) அளவீடாகக் கொண்டால்,  2000 மீட்டர் உயரமுடைய கொடைக்கானல் மலையைக் கடல் அலைகள் கடந்து சென்றிருக்க முடியும் என்றே கருத வேண்டியுள்ளது.

தூண்பாறைகள் (Piller Rocks)

கடலானது நிலத்தில் ஊர்ந்து மலையில் ஏறிக் கடந்து செல்லும் போது,  எத்தனையோ உயிரியல் தடயங்கள் தமிழகமெங்கும் உள்ள மலைப்பாறைகளின் இடுக்குகளில் தங்கிப் படித்திருக்க வேண்டும்.  இவ்வாறாகப் படிந்துள்ள படிமங்களைக் தேடிக் கண்டறிய வேண்டும்.

உங்களது கருத்து என்ன ?

அன்பன்
காசிசீர், முனைவர், நா.ரா.கி. காளைராசன்

Theory of Tsunamis, பாறைகள் பலவிதம் (படம் 1, அழகர்கோயில்)

பாறைகள் பலவிதம் (படம் 1)

“கல்தோன்றி, மண்தோன்றாக் காலத்தே வாளொடு முன்தோன்றிய மூத்தகுடி“யின் பார்வையில் பாறைகள் பலவிதம் (படம் 1)

Kalairajan Krishnan Melurஇல் இருக்கிறார்.

10 jun 2017, முற்பகல் 7:23 ·

கங்கன் என்ற விண்கோள் பூமியில் மோதிப், பூமியைத் துளைத்துக் கொண்டு, பூமியின் உள்ளே சென்றுள்ளது.  இவ்வாறு கங்கன் மோதிய இடத்தில் உண்டான விளிம்புப் (Rim) பகுதியே வட்டவடிவமான இமயமலைத் தொடர் உருவாகி உள்ளது.   கண்டப்பெயர்ச்சியால் இமயமலை உருவாகவில்லை.

கங்கன் பூமியில் மோதிய போது தெரித்து விழுந்த பாறைக்குழம்புகளால்  திருப்பரங்குன்றம் மலை, திண்டுக்கல் மலை, அழகர்கோயில்மலையின் அடிப்பகுதி, யானைமலை, திருமயம் மலை, திருச்சிராப்பள்ளி மலை முதலான கிரானைட் மலைகள் உருவாகி உள்ளன.

பூமியின் உள்ளே சென்ற கங்கன் என்ற விண்கோளின் பாறைக் குழம்புகள் பிதுங்கி வெளி வந்த காரணத்தினால் தென்னிந்தியாவில் மேற்குத் தொடர்ச்சி மலைகள், அமெரிக்காவில் ஆல்ப்ஸ்மலைத் தொடர்கள் முதலான நீண்ட மலைத்தொடர்கள் உருவாகி உள்ளன.  உலகில் உள்ள கிரானைட் மலைகள் எல்லாமும் கங்கன் என்ற விண்கோள் பூமியில் விழுந்த காரணத்தினால் உருவானவை .

கங்கன் பூமியின் மோதிய காரணத்தினால் பூமியின் மேற்பகுதி சிதறுண்டு பிளவுபட்டுக் கண்டப்பெயர்ச்சி உண்டாகிக் கண்டங்களாகப் பிரிந்துள்ளது.

இமயமலைத்தொடருக்கு நேர்எதிரே, பூமியின் மறுபக்கத்தில் நிலப்பரப்புகள் ஏதும் இல்லாமல் போனது.  மேலும் Ring of Fires என்ற எரிமலைத்தொடர்கள் உருவாகி உள்ளன.

கங்கன் விழுந்த காரணத்தினால் பூமியின் எடை  கூடியுள்ளது. 

கங்கள் விழுந்து இமயமலைத்தொடரும் மற்றும் பல கிரானைட் மலைத் தொடர்களும் உருவான காலமே பூமியில் “கல்தோன்றிய காலம்“ என்பது எனது கருத்து.
-------------------------------------------------------------------------------------------------------------------

Ganga, a celestial water planet fall down in the Himalaya Mountains Bowl

கங்கை என்ற ஒரு விண்நீர்க்கோள் இமயமலையின் பள்ளத்தாக்கில் இறங்கியுள்ளது.  இது பூமிக்குள் நுழையும் போது அதிலிருந்த எரியக்கூடிய பொருட்கள் தீப்பிடித்து எரிந்து விழுந்த காரணத்தினால் பூமியில் மிகப் பெரிய பாலைவனங்கள் தோன்றியுள்ளன.

Ganga, a celestial water planet fall down in the Himalaya Mountains Bowl

கங்கை என்ற விண்ணீர்க்கோளில் வேகமாகப் பூமியில் இறங்கிய இடம் தக்களமேகன் பாலைவனமாக உள்ளது.  கங்கை வேகமாகப் பூமியில் இறங்கிப் பூமியைத் துளைத்துச் சென்ற காரணத்தினால், தக்களமேகன் பாலைவனம் மிகவும் பள்ளமான பகுதியாக உள்ளது.  கங்கை என்ற விண்ணீர்க்கோளில் இருந்த தண்ணீரின் ஒருபகுதி தக்களமேகன் பாலைவனம் வழியாகப் பூமிக்குள்ளே சென்று வெளியே வந்த இடம் மிகவும் ஆழமான மெரினாடிரன்ச் கடற்பகுதியாக உருவாகியுள்ளது.

கங்கை என்ற விண்ணீர்க்கோளில் இருந்த  களியும் உப்புநீரும் இமயமலையின் மேல் படிந்துள்ள காரணத்தினால், இமயமலையின் மேல்பகுதி ஒரு மடிப்புமலைத் தொடராக மாறியுள்ளது.  மேலும் துருக்கி,  பர்மா, அந்தமான் தீவுக் கூட்டங்கள், இந்தோனேசியா, தாய்லாந்து, சவா சுமத்திரா, சப்பான் நிலப்பரப்புகளும், மற்றும் உலகில் உள்ள (sedimentary rocks) பொக்குப் பாறைகளும் உருவாகியுள்ளன.

பூமியின் கடல்மட்டம் உயர்ந்துள்ளது.  பூமியில் கடல்கள் உப்புக்கடல்களாக மாறியுள்ளன.  

கங்கை என்ற விண்ணீர்க்கோள் பூமியில் இயமலைப் பள்ளத்தாக்கில் இறங்கிய காரணத்தினால் உருவாகி உள்ளன. இதுவே பூமியில் “பொக்குப்பாறைகள் தோன்றிய காலம் ”என்பதும் எனது கருத்து.
----------------------------------------------------------------------------------------------------------

Huge Tsunami swiped the entire South Indian sub-continent, Burma, Thailand, Indonesia. 

ஊழிக்காலத்தில், பொக்குப்பாறைகளால் உண்டான இந்தோனேசியா, ‘தாய்‘லாந்து, சவா சுமத்திரா, சப்பான் நிலப்பரப்புகளில் உள்ள குறைபாடு உள்ள இடங்களில் (defaults)  பொக்குப்பாறைத் திட்டுகள் புடைபெயர்ந்து சரிந்து விழுந்து கடலில் மூழ்குவதால் நிலநடுக்கங்களும் அதனைத் தொடர்ந்து கடல்வெள்ளமும் (ஆழிப்பேரரை, பெருஞ்சுனாமிகளும்) உருவாகின்றன என்பதும் எனது கருத்து.

Tsunami deposited sedimentary rocks

அந்தமான் அருகே பொக்குப்பாறைகளால் ஆன மிகப்பெரிய நிலப்பரப்பு கடலில் மூழ்கியதால்  “பெரும் கடல்வெள்ளம் (பெருஞ் சுனாமி)“ உருவாகிப் பஃறுளி யாற்றுப் பன்மலையடுக்கம், குமரிக்கோடு உள்ளிட்ட பண்டைத் தமிழகம்  கடலால் அழிந்துள்ளது.  முன்பு இருந்த நிலப்பரப்பில்மேல் கடல்வெள்ளத்தால் (பெருஞ்சுனாமியினால்) அடித்துக் கொண்டுவரப்பட்ட மண் திட்டுக்கள் படிந்து இப்போதுள்ள நிலப்பரப்பு உருவாகியுள்ளது.

இவ்வாறு  பெருஞ்சுனாமிகளால் அடித்துவரப்பட்ட கடல்மண் பூமியின் மேல் படிந்த காலத்தையே தமிழ் இலக்கியம் “மணல் தோன்றிய காலம்“ எனக் குறிப்பிடுகிறது என்பதும் எனது கருத்து.

Is it Tsunami rocks? Melur-Alagarkoil Road

அழகர்கோயில் செல்லும் வழியில் இந்தப் பாறையைப் பார்த்தேன். பார்ப்பதற்கு வெட்டிய மரத்தின் அடிப்பகுதிபோல் தோன்றியது. ஆனாலும் அருகில் சென்று பார்த்தபோது பாறைபோல் இருந்தது.

இது மரமா? கல்லா? கல்மரமா? என என்னால் உறுதி செய்ய இயலவில்லை.
“மண்தோன்றாக் காலத்தே வாளொடு முன்தோன்றிய மூத்தகுடி” என்பதை அறிவியல் அடிப்படையில் நிறுவித் தேவையான சான்றாக இந்தக் கல்மரம் இருக்குமா?

அன்பன்
காசிஸ்ரீ, முனைவர், நா.ரா.கி. காளைராசன்
10 Jan 2017.