Theory of Tsunamis, "மலி திரை ஊர்ந்து” திருமலை

Theory of Tsunamis, "மலி திரை ஊர்ந்து” திருமலை

கீழடி அருகே புதையுண்டுள்ள நகரம் கடல்கொண்ட மதுரையா ?

"மலி திரை ஊர்ந்து தன் மண் கடல் வௌவியதா" ?

தொல்லியல்துறையினர் மதுரைக்கு அருகே கீழடியிலிருந்து கொந்தகை செல்லும் சாலையின் கிழக்கே மிகவும் பழைமையான நகர நாகரிகம் ஒன்றைக் கண்டறிந்து ஆய்வு செய்து வருகின்றனர்.  

திருப்பரங்குன்றத்திற்கு நேர் கிழக்கே உள்ள இந்த ஊர் உள்ளது.  மாடமலி மதுரை திருப்பரங்குன்றத்திற்குக் கிழக்கே உள்ளது என்று நக்கீரர் திருமுருகாற்றுப் படையில் பாடியுள்ளார்.  இதனால் தொல்லியலாளர்களால் தோண்டிக் கண்டுபிடிக்கப்பட்டுள்ள இந்த நகரமே பண்டைய மதுரையாக இருக்க வேண்டும்.

 குலசேகர பாண்டியன் ஆட்சிக் காலத்தில் இப்போதுள்ள மதுரைநகரம் புனர்நிர்மாணம் செய்யப்பெற்று மக்கள் எல்லாம் அங்கே குடியமர்த்தப் பெற்றுள்ளனர்.  பழைமையான இந்த நகரத்திற்கும் மதுரை என்று பெயர், புதிதாக நிருமாணம் செய்யப்பட்ட நகரத்திற்கும் மதுரை என்று பெயர்.  எனவே பெயரில் குழப்பம் ஏற்படாமல் இருப்பதற்காக இந்தத் தொன்மையான நகரத்திற்கு மணவூர் என்ற பெயரைச் சூட்டியுள்ளனர்.

எனவே கீழடி என்ற ஊரின் அருகே தொல்லியலாளர் தோண்டிக் கண்டுபிடித்துள்ள நகரின் பண்டைய பெயர்  “மணவூர்“ ஆகும். சோமசுந்தரபாண்டியன் மகன் உக்கிரபாண்டியன். இவன் மணவூரில் பிறந்த காந்திமதியை மணம் செய்து கொண்டான். இதன் காரணத்தினால் இந்த ஊருக்கு மணவூர் என்ற பெயர் உண்டானது. பின்னர் மணவூரைத் தலைநகராகக் கொண்டு ஆண்டு வந்தான் குலசேகர பாண்டியன். இவன் மதுரை மாநகரைத் திட்டமிட்டு உருவாக்கி அங்கே மணவூர் மக்களை எல்லாம் குடியமர்த்தினான் என்கிறது திருவிளையாடற் புராணம். 

அப்படியானால், பண்டைய மதுரையும் மணவூரும் எப்படி அழிந்தன? கீர்த்திபூடண பாண்டியன் ஆட்சிக் காலத்தில், மிகப்பெரிய பிரளயம் (சுனாமி) தோன்றி பாண்டியநாட்டைத் தாக்கி அழித்தது என்றும், அது அடங்கும் முன்னரே மற்றொரு பிரளயம் தோன்றி மீண்டும் அழித்தது என்றும் திருவிளையாடற் புராணம் கூறுகிறது. “பஃறுளி ஆற்றுடன் பன்மலை அடுக்கத்துக் குமரிக் கோடும் கொடுங்கடல் கொண்டதாகச்“ சிலப்பதிகாரம் கூறுகிறது(சிலம்பு. 11. 19-20).

“மலி திரை ஊர்ந்து தன் மண் கடல் வௌவியது“ என்கிறது கலித்தொகை“ .(104). திரைகடலானது மலிந்து, கரைகடந்து, பண்டைத் தமிழகத்திற்குள் புகுந்து, மண்ணை மூடிக் கவர்ந்துள்ளது உண்மையா? அதற்கான எச்சங்கள் தமிழகத்தில் கிடைக்கின்றனவா? கடல்மண் தமிழகமலைகளில் கிடக்கின்றனவா?
ஆம், கிடக்கின்றன! தமிழகத்தில் உள்ள குன்றுகளின் மேற்குப் பகுதிகளில் எல்லாம் கடல்மண் கிடப்பதைக் காணமுடிகிறது.

கடல் வௌவிய மண்படிமங்கள் காணக்கிடக்கின்றனவா?

மேலே உள்ள படத்தில்,  திண்டுக்கல் பழநி சாலையில் விருப்பாச்சி அருகே உள்ள ஏற்றத்தில் பிரளயம் பேர்த்த பாறைகளுக்க இடையில் “மலிதிரை ஊர்ந்து கடல் வௌவிய மண்“ படிந்துள்ளதாகக் கட்டுரையாளர் கருதுகிறார்.

மேலே உள்ள இரண்டு படங்களிலும், சிவகங்கை மாவட்டம் திருமலையில் உள்ள பாறை இடுக்குகளில் கடல்மண் படிந்துள்ளதா? என்ற தேடுதல் தொடர்கிறது ... ...  
கிரானைட் பாறைகளின் இடையே படிந்துள்ள இந்தவகையான பொக்குப் பாறைகள் சுனாமியினால் அடித்து வரப்பட்ட கடல்களிமண்ணால் உருவானை எனக் கருதுகிறேன்.

(குறிப்பு –  மண்மாதிரிகளை அறிவியல் அடிப்படையில் ஆராயும் முயற்சிகள் நடைபெற்று வருகின்றன.)

அன்பன்

காசிஸ்ரீ முனைவர் நா.ரா.கி. காளைராசன்

------------------------------------------------

சங்கப் பாடல்களில் மதுரையும் கூடலும் 

சங்கப்பாடல்களில் மதுரை என்ற சொல் 9 வரிகளிலும்.......
கூடல் என்ற சொல் 38 வரிகளிலும் இடம் பெற்றுள்ளன....

(நன்றி - http://tamilconcordance.in/sangconc)

சங்கப்பாடல்களில் மதுரை -

மிக்கு புகழ் எய்திய பெரும் பெயர் மதுரை/சினை தலைமணந்த சுரும்பு படு செம் தீ - மது 699,700

இடை நெறி தாக்கு-உற்றது ஏய்ப்ப அடல் மதுரை/ஆடற்கு நீர் அமைந்தது யாறு - பரி  11/48,49

வந்து மதுரை மதில் பொரூஉம் வான் மலர் தாஅய் - பரி 12/9

குன்றுதல் உண்டோ மதுரை கொடி தேரான் - பரி 31/3

பொய் ஆதல் உண்டோ மதுரை புனை தேரான் - பரி 32/3

கோத்தை உண்டாமோ மதுரை கொடி தேரான் - பரி 33/3

மதுரை பெரு முற்றம் போல நின் மெய் கண் - கலி 96/23

மகிழ் நனை மறுகின் மதுரையும் வறிதே அதாஅன்று - சிறு 67

மாட மதுரையும் தருகுவன் எல்லாம் - புறம் 32/5

சங்கப்பாடல்களில் கூடல் (38) -

மாடம் மலி மறுகின் கூடல் குட-வயின் - திரு 71

மாடம் பிறங்கிய மலி புகழ் கூடல்/நாள்_அங்காடி நனம் தலை கம்பலை - மது 429,430

மலி ஓதத்து ஒலி கூடல்/தீது நீங்க கடல் ஆடியும் - பட் 98,99

பெரும் பெயர் கூடல் அன்ன நின் - நற் 39/10

பொன் தேர் செழியன் கூடல் ஆங்கண் - நற் 298/9

மூன்று உடன் கூடிய கூடல் அனையை - பதி 50/7

குன்றத்தான் கூடல் வரவு - பரி 8/28

குன்றம் உடைத்த ஒளிர் வேலோய் கூடல்/மன்றல் கலந்த மணி முரசின் ஆர்ப்பு எழ - பரி  8/29,30

யாம் வேண்டும் வையை புனல் எதிர்கொள் கூடல்/ஆங்க அணி நிலை மாடத்து அணி நின்ற பாங்காம் - பரி  10/40,41

மதி மாலை மால் இருள் கால்சீப்ப கூடல்/வதி மாலை மாறும் தொழிலான் புது மாலை - பரி  10/112,113

வருந்தாது வரும் புனல் விருந்து அயர் கூடல்/அரும் கறை அறை இசை வயிரியர் உரிமை - பரி  10/129,130

ஆடல் தலைத்தலை சிறப்ப கூடல்/உரைதர வந்தன்று வையை நீர் வையை - பரி  12/31,32

புலத்தினும் போரினும் போர் தோலா கூடல்/கலப்போடு இயைந்த இரவு தீர் எல்லை - பரி  19/8,9

குன்றொடு கூடல் இடை எல்லாம் ஒன்றுபு - பரி 19/15

கூடல் விழையும் தகைத்து தகை வையை - பரி 20/26

நெடு நீர் மலி புனல் நீள் மாட கூடல்/கடி மதில் பெய்யும் பொழுது - பரி  20/106,107

காமரு வையை கடுகின்றே கூடல்/நீர் அணி கொண்டன்று வையை என விரும்பி - பரி  24/4,5

பணிவு இல் உயர் சிறப்பின் பஞ்சவன் கூடல்/மணி எழில் மா மேனி முத்த முறுவல் - பரி  24/46,47

நீள் உயர் கூடல் நெடும் கொடி எழவே - கலி 31/25

பூ தண் தார் புலர் சாந்தின் தென்னவன் உயர் கூடல்/தேம் பாய அவிழ் நீலத்து அலர் வென்ற அமர் உண்கண் - கலி  57/8,9

கனவினால் சென்றேன் கலி கெழு கூடல்/வரை உறழ் நீள் மதில் வாய் சூழ்ந்த வையை - கலி  92/11,12

வாடா வேம்பின் வழுதி கூடல்/நாள்_அங்காடி நாறும் நறு நுதல் - அகம் 93/9,10

பொய்யா விழவின் கூடல் பறந்தலை - அகம் 116/14

கொடி நுடங்கு மறுகின் கூடல் குடாஅது - அகம் 149/14

பாடு பெறு சிறப்பின் கூடல் அன்ன நின் - அகம் 231/13

பொன் மலி நெடு நகர் கூடல் ஆடிய - அகம் 253/6

மலை புரை நெடு நகர் கூடல் நீடிய - அகம் 296/12

பெரும் பெயர் வழுதி கூடல் அன்ன தன் - அகம் 315/7

மாட மலி மறுகின் கூடல் ஆங்கண் - அகம் 346/20

தமிழ் கெழு கூடல் தண் கோல் வேந்தே - புறம் 58/13

இரு பேர் யாற்ற ஒரு பெரும் கூடல்/விலங்கு இடு பெரு மரம் போல - புறம் 273/5,6

குண்டு நீர் வரைப்பின் கூடல் அன்ன - புறம் 347/6

பொன் தேரான் தானும் பொலம் புரிசை கூடலும்/முற்று இன்று வையை துறை - பரி  24/26,27

சேய் மாட கூடலும் செவ்வேள் பரங்குன்றம் - பரி 34/2

ஆனா சீர் கூடலுள் அரும்பு அவிழ் நறு முல்லை - கலி 30/11

கூடலொடு பரங்குன்றின் இடை - பரி 17/23

நெடு மாட கூடற்கு இயல்பு - பரி 35/6

கொய் உளை மான் தேர் கொடி தேரான் கூடற்கும்/கை ஊழ் தடுமாற்றம் நன்று - பரி  17/45,46

Theory of Tsunami, மதுரைக்கு வந்த சுனாமி (பகுதி – 4) மதுரையை அழித்தியால் :

மதுரைக்கு வந்த சுனாமி (பகுதி – 4) 

மதுரையை அழித்தியால்

2004ஆம் ஆண்டு தமிழகத்தைச் சுனாமி தாக்கியது. ஆனால் இதைப்போலப் பல ஆயிரம் மடங்கு பெரிதான மிகப்பெரிய இரண்டு சுனாமிகள் அடுத்தடுத்துத் தோன்றி பாண்டியநாட்டைத் தாக்கி அழித்துள்ளன. அந்நிகழ்ச்சியை ஊழிக்காலம், பிரளயம், கடல்வெள்ளம் என்று திருவிளையாடல் புராணம் ஆலவாய் காண்டத்தில் விரிவாகக் கூறுகிறது. இவ்வாறு ஊழிக்காலத்தில் பிரளயத்தில் தோன்றிய கடல்வெள்ளம் மதுரையை மைய இலக்காகக் கொண்டு தாக்கியது என்றும், மதுரைத் தாக்கி அளிக்குமாறு இந்திரன் ஆணையிட்டான் என்றும் புராணம் குறிப்பிடுகிறது.

“பொரும் கடல் வேந்தனைக் கூவிப் பொன் என 
இரும் கடல் உடுத்த பார் ஏழும் ஊழிநாள் 
ஒருங்கு அடு வெள்ளம் ஒத்து உருத்துப் போய் வளைந்து 
அரும் கடி மதுரையை அழித்தியால் என்றான்“ 
- திருவிளையாடற் புராணம்.

இந்திரனது ஏவலால் மதுரையைக் கடல் அழித்துள்ளது. இதன் காரணமாகத்தான் சிலப்பதிகாரத்தில் கூறப்பட்டுள்ள சிறப்பான இந்திரவிழா நின்றுபோய் விட்டது போலும். மதுரையை அழித்த இந்திரனை தமிழன் எப்படிப் போற்றுவான்!



கிருஷ்ணன் இந்திரவிழாவை நிறுத்திய கதை -  “திருமாலின், கிருஷ்ணாவதார காலத்தில், மழைக்கடவுளான இந்திரனுக்கே கோகுலத்தில் வசித்த ஆயர்கள் ஆண்டு தோறும் பூசை செய்து வழிபட்டனர். ஒருமுறை இந்திர வழிபாட்டை, கிருட்டிணன் தடுத்து அருகில் உள்ள மலைக்கு பூசை செய்ய வைத்தார்.  இதனால் கோபம் கொண்ட மழைக் கடவுளான இந்திரன், கோகுலத்தில் தொடர்ந்து ஏழு நாட்கள் மழை பொழியச் செய்தார். இடி மின்னலுடன் கூடிய தொடர் மழையைக் கண்டு பயந்த கோகுலத்து ஆயர்களையும் ஆவினங்களையும் காக்க கிருட்டிணன், அருகில் இருந்த ஒரு மலையைத் தன் ஒரு விரலால் குடை போல் தூக்கினார். குடை போல் காட்சி அளித்த அம்மலைக்கடியில் நுழைந்த ஆயர்களும், ஆவினங்களும் மழையிலிருந்து காக்கப்பட்டனர்”  என்கிறது புராணக்கதை.  திருவிளையாடல் புராணமும் கடல்கோளுக்குப் பிறகு பெருமழை பெய்த செய்தியைப் பதிவு செய்துள்ளது.

அன்பன்
காசிஸ்ரீ முனைவர் நா.ரா.கி. காளைராசன்.

Theory of Tsunamis, மதுரைக்கு வந்த சுனாமி (பகுதி -3) பிரளயம் பேர்த்த பாறைகள்

மதுரைக்கு வந்த சுனாமி (பகுதி -3)

பிரளயம் பேர்த்த பாறைகள்

திருவிளையாடற் புராணத்தில் பிரளயம் பற்றிய குறிப்புகள் உள்ளன.
மதுரையைச் சுற்றிலும் எட்டு மலைகள் இருந்துள்ளன. பிரளயத்தில் கடல் கரையைக் கடந்து மதுரைத் தாக்கிய போது இந்த மலைகள் எல்லாம் பேர்ந்தன என்கிறது புராணம்.

"கொதித்தெழுந்து தருக்களறக் கொத்தியெடுத் தெத்திசையும்
அதிர்த்தெறிந்து வரைகளெல்லா மகழ்ந்துதிசைப் புறஞ்செல்லப்
பிதிர்த்தெறிந்து மாடநிரை பெயர்த்தெறிந்து பிரளயத்தில்
உதித்தெழுந்து வருவதென வோங்குதிரைக் கடல்வருமால்" 
(திருவிளையாடற் புராணம்)

பொருள் - கடலின் அலைகள் எல்லாம் உயர்ந்து, பொங்கி மேலே எழுந்து, மரங்கள் எல்லாம் முறிய வேருடன் பிடுங்கி எடுத்து, அதிர்த்து எல்லாத் திசைகளிலும் வீசியும், எல்லா மலைகளையும் தோண்டிப் பொடி செய்து திசைப் புறங்களுக்குச் செல்லுமாறு வீசியும், மாட வரிசைகளைப் பெயர்த்து வீசியும், பிரளயத்தில் உதித்து எழுந்து வருவதென கடல் வரும். (பிதிர்த்து - பொடியாக்கி; பிதிர் – பொடி)

"கருங்கட லேழுங் காவற் கரைகடந் தார்த்துப் பொங்கி
ஒருங்கெழுந் துருத்துச் சீறி யும்பரோ டிம்ப ரெட்டுப்
பொருங்கட் கரியு மெட்டுப் பொன்னெடுங் கிரியு நேமிப்
பெருங்கடி வரையும் பேரப் பிரளயங் கோத்த வன்றே"
(திருவிளையாடற் புராணம்)

பொருள் – ஏழு கரிய கடல்களும் ஒரே நேரத்தில் பொங்கி மேலே எழுந்தன. வெகுண்டு சீறி ஆரவாரித்து, காவலாகிய எல்லைகளைக் கடந்தன. விண்ணுலகும் மண்ணுலகும், போர்செய்யும் மதத்தையுடைய எட்டு யானைகளும், பெரிய எட்டு பொன்மலைகளும், பெரிய அச்சத்தைத் தரும் சக்கரவாள மலையும் அவற்றின் நிலைகளில் இருந்து பெயர்ந்திடுமாறு, பிரளயமாக ஒன்றோடு ஒன்று கோத்தன.

மதுரைக்கு வடக்கே அழகர்கோயில் மலை உள்ளது. இந்த மலையின் பாறைகள் பலவும் பெயர்ந்து காணப்படுகின்றன. “பிரளயம் பேர்த்த பாறைகள்“ சிலவற்றில் எட்டுப் பாறைகளின் படங்களை இத்துடன் இணைத்துள்ளேன்.

கட்டுரையாளர் - 

காசிஸ்ரீ நா.ரா.கி. காளைராசன், kalairajan26@gmailcom, 94435 01912,
நாள் - சித்திரை 29 (12.05.2017) வெள்ளிக் கிழமை

Theory of Tsunamis, மதுரைக்கு வந்த சுனாமி (பகுதி-2) மணவூர், மணலூர்,

மதுரைக்கு வந்த சுனாமி (பகுதி-2)

பிரளயம் (பெரும் சுனாமி)

ஊழிக்காலத்தில் குமரிக்கோட்டைக் கொடுங்கடல் கொண்டதாகத் தமிழ் இலக்கியங்கள் குறிப்பிடுகின்றன.  பக்தி இலக்கியங்களான தலபுராணங்களிலும் கடல்கோள் பற்றிய செய்திகள் நிறைந்துள்ளன.  இதில் குறிப்பாகத் ‘திருவிளையாடல் புராணத்தில்‘ வங்கக்கடல் கரையைக் கடந்து மதுரையைத் தாக்கியதாகக் குறிப்புகள் கூறப்பட்டுள்ளன.  இருப்பினும், திருவிளையாடற் புராணத்தில் குறிப்பிடப்பெற்றுள்ள ஊழிக்காலம், பிரளயம், கடல்கோள் (சுனாமி), பற்றிய செய்திகள் விரிவாக ஆராயப்படாமலேயே உள்ளன.
தொல்லியல்துறையினர் தமிழகத்தில் மிகவும் தொன்மையான இடுகாடுகள் பலவற்றைக் கண்டறிந்து உள்ளனர்.  இவை தவிர்த்து அரிக்கமேடு காவேரிப் பூம்பட்டிணம் ஆகிய ஊர்களின் பண்டைத்தமிழர்களின் தொன்மையான நகரங்கள் கண்டு அறியப்பட்டுள்ளன. இவற்றுடன் கீழடியிலிருந்து கொந்தகை செல்லும் வழியில் சாலைக்குக் கிழக்கே தொல்லியல்துறையினர் மிகவும் பழைமையான நகர நாகரிகம் ஒன்றைக் கண்டறிந்து ஆய்வு செய்து வருகின்றனர்.  

இந்தத் தொன்மையான நகரத்தின் பெயர் “மணவூர்“ என்கிறது திருவிளையாடல் புராணம்.  சோமசுந்தரபாண்டியன் மகன் உக்கிரபாண்டியன்.  மணவூரில் பிறந்த காந்திமதியை உக்கிரபாண்டியன் மணம் செய்து கொண்ட காரணத்தினால் இந்த ஊருக்கு மணவூர் என்ற பெயர் உண்டானது என்கிறது திருவிளையாடற் புராணம்.

மணவூரைத் தலைநகராகக் கொண்டு குலசேகர பாண்டியன் ஆண்டுவந்தான்.  தனஞ்செயன் என்ற வணிகன் கடம்பவனத்தின் நடுவே சிவலிங்கம் ஒன்று இருப்பதையும், அதைத் தேவர்கள் வணங்குவதையும் கண்டுவந்து குலசேகர பாண்டிய மன்ன்னிடம் சொல்கிறான்.  மன்னனும் தனது அமைச்சர்களுடன் அங்கே சென்று சிவலிங்கத்தை வணங்கி ஆலயத்தைக் கட்டுகிறான்.   ஆலயத்தைச் சுற்றிலும் மிகவும் அருமையாகத் திட்டமிட்டு ஒரு நகரை உருவாக்குகிறான்.  இவ்வாறு குலசேகர பாண்டியனால் திட்டமிட்டு உருவாக்கப்பட்ட நகரமே இன்றைய மதுரை ஆகும்.
பண்டைய மதுரையும் மணவூரும் எப்படி அழிந்தன?

( பெருஞ் சுனாமி ) கடல்வெள்ளம், பிரளயம், ஊழிக்காலம் என்கிறது திருவிளையாடற் புராணம்.

2004ஆம் ஆண்டு தமிழகத்தைத் தாக்கிய சுனாமியைப் பற்றி நாம் அனைவரும் அறிவோம். ஆனால் இதைப்போலப் பலநூறுமடங்கு பெரிதான மிகப்பெரிய சுனாமி ஒன்று பண்டைக்காலத்தில் பாண்டியநாட்டைத் தாக்கியுள்ளது.  அந்நிகழ்ச்சி திருவிளையாடல் புராணம் ஆலவாய் காண்டத்தில் விரிவாகக் கூறப்பட்டுள்ளது.
“அழகுமிக்க அதுலகீர்த்தியும் போன்று, இருபத்திரண்டு மைந்தர்கள் வழி வழியாகத்தோன்றி, பண்டைய பாண்டிய நாட்டை ஆண்டு வந்தனர்.  

இவர்களுக்குப் பின்னர் ‘கீர்த்திபூடண பாண்டியன்‘ மன்னன் ஆட்சி செய்துவரும் நாளில், மிகப் பெரிய பிரளயம் ஏற்பட்டது.   கடல்கள் ஏழும் ஒருசேரப் பொங்கி மேலெழுந்து, உருத்துச் சீறி வெகுண்டு ஆரவாரித்து, காவலாக விளங்கிய கரையைக் கடந்து தமிழுகத்தை அழித்தன.  இந்தப் பிரளயத்தில்  எட்டு மலைகளும், பெரிய அச்சத்தைத் தரும் சக்கரவாள மலையும்  (சக்கரவாளமலை = இயமமலை) நிலைபெயர்ந்தன.  இப்பிரளயம் அடங்கும் முன்னரே மற்றொரு பிரளயமும் தோன்றி அளித்தது.  அந்தப்பெரிய கடல் வெள்ளத்துள் மூழ்கி, அழிவில்லாத எத்துணைப் பெரிய நிலத்திட்டுகளும், ஏழு தீவுகளும், இவைகளிலே தங்கி நிற்பனவும் செல்வனவுமாகிய பொருள்களும், உயர்ந்தமுடிகளையுடைய மலைவகைகளும், ஒழிந்தன.

ஆனாலும், நீண்ட விழிகளையுடைய மீனாட்சியம்மையின் திருக்கோயிலும், வானினின்றும் இறங்கிய இந்திரவிமானமும், பொற்றாமரை வாவியும், இறைவன் திருவிளையாட்டினால் வந்து தங்கிய மணம்வீசும் சோலைகளையுடைய இடபமலையும் (அழகர்கோயில்மலையும்), யானைமலையும், நாகமலையும், பசுவின் உருத்திரிந்த பசுமலையும்,  பன்றிமலையும் இந்தப் பிரளயத்தில் உண்டான கடல்நீரினால் அடித்துச் செல்லப்படாமல் அழியாமல் இருந்தன.
உயர்ந்த  அலைகளையுடைய கடலானது, கொதித்து எழுந்து மரங்கள் முறியக்  கல்லி எடுத்து, அதிர்ந்து ஆரவாரித்து எல்லாத் திசைகளிலும் வீசியும், கடற்கரைகளை எல்லாம் அகழ்ந்துத் தோண்டிப் பொடி செய்து திசைப்புறங்களிற் செல்லுமாறு வீசியும்,  மலைகளை யெல்லாம் மாட வரிசைகளைப் பெயர்த்து வீசியும், ஊழிக்காலத்தில் தோன்றி பிரளயத்தில் உதித்து எழுந்து வந்தன“ என்கிறது திருவிளையாடற் புராணம்.
     

திருவிளையாடற் புராணம் பாடல்கள் :

“எழில்புனை அதுலகீர்த்தி என இருபத்திரண்டு

வழிவழி மைந்தராகி வையம் காத்த வேந்தர்

பழிதவிர் அதுலகீர்த்தி பாண்டியன் தன்பால் இன்பம்

பொழிதர உதித்த கீர்த்திபூடணன் புரக்குநாளில்

கருங்கடல் ஏழும் காவற்கரை கடந்து ஆர்த்துப் பொங்கி

ஒருங்கு எழுந்து உருத்துச் சீறியும் உம்பரோடு இம்பர் எட்டுப்

பொருங்கல் கரியும், எட்டுப் பொன் நெடுங்கிரியும் நேமிப்

பெரும் கடிவரையும் பேரப் பிரளயம் கோத்தவன்றே.

அப் பெரும் சலதி வெள்ளத்தில் அழுந்தின அழிவிலாத

எப்பெரும் பொழிலும் ஏழுதீபமும் இவற்றுள் அடங்கி

நிற்பன செல்வவான திணைகளும் நீண்ட சென்னிப்

பர்ப்பத வகையும் ஈறுபட்டனவாக அங்கண்.

“எழில்புனையதுலகீர்த்தியெனவிருபத்திரண்டு
வழிவழிமைந்தராகிவையங்காத்தவேந்தர்
பழிதவிரதுலகீர்த்திபாண்டியன்றன்பாலின்பம்
பொழிதரவுதித்தகீர்த்திபூடணன்புரக்குநாளில்

கருங்கடலேழுங்காவற்கரைகடந்தார்த்துப்பொங்கி
ஒருங்கெழுந்துருத்துச்சீறியும்பரோடிம்பரெட்டுப்
பொருங்கட்கரியுமெட்டுப்பொன்னெடுங்கிரியுநேமிப்
பெருங்கடிவரையும்பேரப்பிரளயங்கோத்தவன்றே.

அப்பெருஞ்சலதிவெள்ளத்தழுந்தினவழிவிலாத
எப்பெரும்பொழிலுமேழுதீபமுமிவற்றுட்டங்கி
நிற்பனசெல்வவானதிணைகளுநீண்டசென்னிப்
பர்ப்பதவகையுமீறுபட்டனவாகவங்கண்.

தேனிழிகுதலைத்தீஞ்சொற்சேனெடுங்கண்ணிகோயில்
வானிழிவிமானம்பொற்றாமரைவிளையாட்டின்வந்த
கானிழியிடபக்குன்றங்கரிவரைநாகக்குன்றம்
ஆனிழிவரைவராகவரைமுதலழிவிலாத.

வெள்ளநீர்வறப்பவாதிவேதியன்ஞாலமுன்போல்
உள்ளவாறுதிப்பநல்கியும்பரோடிம்பரேனைப்
புள்ளொடுவிலங்குநல்கிக்கதிருடற்புத்தேண்மூவர்
தள்ளருமரபின்முன்போற்றமிழ்வேந்தர்தமையுந்தந்தான்..

( குறிப்பு - படங்கள் இணையத்தில் இருந்து எடுக்கப்பட்டவை.  இப்படங்களைப் பதிவு செய்தோருக்கு நன்றி)

கட்டுரையாளர் –
காசிஸ்ரீ முனைவர் நா.ரா.கி. காளைராசன்,
kalairajan26@gmail.com,
9443501912
நாள் - சித்திரை 28 (10.05.2017) வியாழக் கிழமை

முத்தமிழ்ச் சங்கம் வளர்த்த மூன்று பெருநகரங்கள்

முத்தமிழ்ச் சங்கம் வளர்த்த 

மூன்று பெருநகரங்கள்

கல்தோன்றி, மண்தோன்றாக் காலத்தே, வாளொடு முன்தோன்றிய மூத்த குடி.
(கல் = வடபெருங்கல் = இமயமலை,
மண் = பசுமலை, பன்றிமலை முதலான மண்மலைகள்)

முதற் சங்கம் - தென்மதுரை,
இடைச் சங்கம் - கபாடபுராம்,
கடைச் சங்கம் - வடமதுரை (தற்போது கீழடி அருகே தொல்லியளார்கள் தோண்டிக் கண்டுபிடித்துள்ள நகரம்)

அன்பன்

காசிஸ்ரீ, முனைவர், நா.ரா.கி. காளைராசன்

விளம்பி சித்திரை 18 (01.05.2018)

சமுத்திரத்திற்கும் இந்த ஊர்களுக்கும் என்ன தொடர்பு ?

சமுத்திரம் என்று முடியும் ஊர்ப் பெயர்கள்.

சமுத்திரத்திற்கும் இந்த ஊர்களுக்கும் என்ன தொடர்பு ?

நான்கு முறை மதுரைக்குக் கடல்வெள்ளம் (சுனாமி, ஆழிப்பேரலை) வந்ததாகத் திருவிளையாடற் புராணம் குறிப்பிடுகிறது[1].  பஃறுளி ஆற்றுப் பன்மலை யடுக்கத்தையும், குமரிக்கோட்டையும், முதற் தமிழ்ச்சங்கம் நடைபெற்ற தென்மதுரையையும், இரண்டாம் தமிழ்ச் சங்கம் நடைபெற்ற கபாடபுரத்தையும் கடல்கொண்டது பற்றித் தமிழ் இலக்கியங்களில் குறிப்புகள் பல காணப்படுகின்றன.

இந்த இலக்கியக் குறிப்புகள் குறித்து முறையான ஆய்வுகள் ஏதும்செய்யப்படாமலேயே, இக்கருத்துகள் எல்லாம் பொய்யில் புலவர்களால் புனைந்து உருவாக்கப்பட்ட தொன்மம் என்று கூறிவந்தனர்.  இந் நிலையில், திருப்பரங்குன்றத்திற்கு நேர் கிழக்கே “செழியன் கொடிநுடங்க மறுகின் கூடல்“[2] என்று அகநானூறும்,  “மாடமலி மறுகிற் கூடற் குடவயின் இருஞ்சேற்று அகல்வயல் விரிந்துவாய் அவிழ்ந்த முட்டாள் தாமரை” என்று நக்கீரரின் திருமுருகாற்றுப்படையும் சிறப்பித்துக் கூறும் கூடல் நகரம் தொல்லியலாளர்களால் தோண்டிக் கண்டுபிடிக்கப் பட்டது.

கீழடி போன்று தமிழகத்தின் பல்வேறு இடங்களிலும் இதுபோன்ற ஆய்வுகளில் பூமிக்கு அடியிலே பெருநகரங்கள் புதையுண்டு இருப்பது கண்டுபிடிக்கப்பட்டு வருகின்றன.  இந்த ஆய்வுகளால், தமிழ் இலக்கியங்கள் குறிப்பிடும் கடல்கோள் என்ற செய்தியானது தொன்மக் கதைகள் அல்ல.  அவைகள் உண்மை நிகழ்வுகள் என்று உணர்ந்து கொண்டேன்.

இந்நிலையில், இறையருளால்

2014 ஆம் ஆண்டு இராமேச்சுரம்-காசி பாதயாத்திரையும்,  மீண்டும்  

2015 ஆம் ஆண்டு நாக்பூர்-காசி பாதயாத்திரையும்,

2016 ஆம் ஆண்டு அறுபடைவீடு பாதயாத்திரையும், மீண்டும்

2017 ஆம் ஆண்டு அறுபடைவீடு பாதயாத்திரையும்

செல்லும் செல்லும் பேறு கிடைக்கப் பெற்றேன்.

பாதயாத்திரைப் பயணத்தில் வழிநெடுகிலும் காணக்கிடைக்கும் கல்லையும் மண்ணையும் சுனாமியின் எச்சங்களாகக் கண்டேன். அவற்றினைச் சேகரித்து முறையான அறிவியல் ஆய்விற்கு உட்படுத்தும் முயற்சியில் உள்ளேன்.  பாதயாத்திரை செல்லும் வழிகளில் “சமுத்திரம்” என்று முடியும் பெயர்களை ஊர்களையும் ஆங்காங்கே கண்டேன்.

இந்த ஊர்களுக்குச் சமுத்திரம் என்ற பெயரைச் சேர்த்து வைத்தது யார் ?

சமுத்திரத்திற்கும் இந்த ஊர்களுக்கும் என்ன தொடர்பு ?

அல்லது, 

இந்த ஊர்களுக்குச் சமுத்திரம் என்ற பெயர் வைத்த காரணம் என்ன ?

என்ற ஐயங்கள் என்னுள் எழுந்தன.

பண்டைத் தமிழகம் முழுவதையும் கடல்வெள்ளம் (சுனாமி) தாக்கி அழிந்துள்ளது என்ற தமிழ் இலக்கியச் செய்திகளை அறிவியில் அடிப்படையில் நிறுவுவதற்கு ஏதுவாகச் சமுத்திரம் என்று முடியும் ஊர்களின் பெயர்களைத் தொகுத்து இணைத்துள்ளேன். எனது தேடலில்  54 ஊர்களின் பெயர்கள் கிடைக்கப்பெற்றுள்ளன.

1)      கடலூர்

2)      கொண்ட சமுத்திரம், kondasamudram 608701, cuddalore Dist

கொண்ட சமுத்திரம்  Kondasamudram కొండసముద్రం Andhra Pradesh 523113 (No lake)

3)      செக சமுத்திரம்,  Jakka samudram 636805, Dharmapuri

செக சமுத்திரம்,   Jakkasamudram జక్కసముద్రం Andhra Pradesh 515231

4)      வேங்கட சமுத்திரம், Venkata samudram 636905, Dharmapuri (0.75m lake)

5)      பாலசமுத்திரம்  Bala samudram 624610, Dindigul Dist (0.75m lake )

பாலசமுத்திரம் Balasamudram Tamil Nadu 641664 (No lake)

பாலசமுத்திரம்  Balasamudram, Hanamkonda, Telangana 506001 (2.0 km lake)

பாலசமுத்திரம்  Balasamudram బలసముద్రం Andhra Pradesh 515571 (No lake)
பாலசமுத்திரம் Palasamudram పాలసముద్రం Andhra Pradesh 515241 (600m lake)

6)      சமுத்திரா பட்டி,  Samudrapatti 624402, Dindigul Dist (No lake)

7)      கெட்டி சமுத்திரம், Getti samudram 638501 Erode dist (No lake)

8)    ரெங்க சமுத்திரம், Rangasamudram Sathyamangalam, Tamil Nadu 638402, Erode Dist (No lake, Bhavani river bank)


முத்து சமுத்திரம்  Muthusamuthiram Tamil Nadu 642201 (No lake)

ரெங்க சமுத்திரம்  Rangasamudram Tamil Nadu 641662 (No lake)

ரெங்க சமுத்திரம் Rangasamudram రంగసముద్రం Andhra Pradesh 517370 (No lake)

ரெங்க சமுத்திரா Rangasamudra ರಂಗಸಮುದ್ರ Karnataka (No lake, forest)

9)      திம்ம சமுத்திரம், Thimam samudram 631 502 Kanchipuram dist (No lake, near river, near sea)

திம்ம சமுத்திரம் Thimmasamudram తిమ్మసముద్రం Andhra Pradesh 523185 (No lake, near sea)

10)   எல்.என்.சமுத்திரம்,  L.N.Samudram 639002, Karur Dist

சமுத்திரம், Samudram, Tiruvannamalai, Tamil Nadu (No lake, near  Tiruvannamalai mountain) 

சமுத்திரம், Samudram Tamil Nadu 636306, (No lake, )

ஜலகண்டபுரம் Jalakandapuram Tamil Nadu 636501 (No lake)

ஆந்திராவிலும் தமிழ்நாட்டிலும் ஒரே பெயரில் ஊர்கள் உள்ளதைக் காண முடிகிறது.  இன்னும் கூடுதலாகத் தேடிப் பார்க்க வேண்டும்.

11)   வேங்கட சமுத்திரம், Venkata samudram 635104, Krishnagiri

12)   கோபால சமுத்திரம், Gopala samudram 609108, Nagapattinam Dist

13)   வில்லந்திட சமுத்திரம்,  Vilanthida Samudram 609111, Nagapattinam Dist

14)   பூமா சமுத்திரம்,  Bomma samudram 637001, Namakkal Dist

15)   மால சமுத்திரம், Malla samudram 637503, Namakkal Dist

16)   நமன சமுத்திரம், Namana samudram 622422, Pudukottai Dist

17)   அப்பம்மா சமுத்திரம்,  Appama samudram 636108, Salem Dist

18)   சங்கம்மா சமுத்திரம், Jangamma samudram 636 113, Salem Dist

19)   கோண சமுத்திரம், Kona samudram 637102, Salem Dist

20)   சமுத்திரம், Samudram 636306, Salem Dist

21)   சமுத்திரம், Samudram 630710, Sivaganga Dist

22)   திருமலை சமுத்திரம், Thirumalai samudram 613402, Thanjavur Dist

23)   தியாக சமுத்திரம், Tyaga samudram 612301, Thanjavur Dist

24)   ரெங்க சமுத்திரம், Renga samudram 625562, Teni Dist

25)   பாலசமுத்திரம்  625512

26)   திம்மராய சமுத்திரம், Thimmaraya Samuthiram, Near New Cauvery Bridge, Tiruchirappalli,

27)   திருமலை சமுத்திரம், Thirumalai Samudram village in Thanjavur Tehsil, Thanjavur,

28)   சின்னபாபு சமுத்திரம், chinnababu samudram 605102, Villupuram Dist.

29)   மூல சமுத்திரம், Moola samudram 606107 , villupuram Dist

30)   பெரியபாபு சமுத்திரம், periyababu samudram 605102, villupuram Dist

31)   தாண்டவசமுத்திரம்  Thandava samudram 604151, Villupuram Dist

32)   அப்பம்மாசமுத்திரம் 616108

33)   அம்பா சமுத்திரம்  Amba samudram 627401, Tirunelveli Dist

34)   அம்பா சமுத்திரம்  Amba samudram Pudukudi 627435, Tirunelveli Dist

35)   தளபதி சமுத்திரம், Dalapathi samudram 627101, Tirunelveli Dist

36)   கோபல சமுத்திரம், Gopala samudram 627451, Tirunelveli Dist

37)   இராவண சமுத்திரம், Ravana samudram 627424, Tirunelveli Dist

38)   இரெங்க சமுத்திரம், Renga samudram 627413, Tirunelveli Dist
நீலகண்ட சமுத்திரம் (பாலமடை)

39)   கோண சமுத்திரம், Kona samudram 631202,Tiruvallur Dist

40)   கிருஷ்ண சமுத்திரம், Krishna samudram 631 206, Tiruvallur Dist

41)   இராம சமுத்திரம், Rama samudram 631206, Tiruvallur Dist

42)   கோபால சமுத்திரம், Gopala samudram 614001, Tiruvarur Dist

43)   வடமலை சமுத்திரம், Vadamalai samudram  628907 Thoothukudi Dist

44)   வால சமுத்திரம், தூத்துக்குடி அருகில்

45)   சென்ன சமுத்திரம், Chenna samudram 632506, Vellore Dist

46)   சின்ன சமுத்திரம், Chinna samudram 635653, Vellore Dist

47)   கிரி சமுத்திரம், Giri samudram 635751, Vellore Dist

48)   காம சமுத்திரம்,  Kamma samudram 632319, Vellore Dist

49)   சோம சமுத்திரம், Soma samudram 631102, Vellore Dist

50)   திப்ப சமுத்திரம், Tippa samudram 635809, Vellore Dist

51)   வேங்கிட சமுத்திரம், Venkata samudram 635811, Vellore Dist

52)   மூல சமுத்திரம், Moola samudram 606107, Villupuram Dist

53)   சங்கம்மாசமுத்திரம் 636113

54)   கிருஷ்ண சமுத்திரம் 620013 (திருவெறும்பூர் அருகில்)

55)   நாக சமுத்திரம் nagasamthiram karnadaga (away from Bangalore)

கடலூரையும் சேர்த்து மொத்தம் 55 ஊர்களின் பெயர்கள் கிடைக்கப் பெற்றுள்ளன.  சமுத்திரம் என்று முடியும் பெயர்களைக் கொண்ட ஊர்கள் இன்னும் கூடுதலாக இருக்க வேண்டும் எனக் கருதுகிறேன்.

கேரளம், கருநாடகம், ஆந்திரம், தெலுங்கானா மாநிலங்களில் உள்ள சமுத்திரம் என்ற பெயரில் உள்ள ஊர்கள் கண்டறியப்பட வேண்டும்.

அன்பன்

காசிஸ்ரீ முனைவர் நா.ரா.கி. காளைராசன்

kalairajan26@gmail.com

1) காமசமுத்திரம் ஏரி உள்ளது . இது கோலார் மாவட்டம் பங்கார்பேட் ஜங்ஷன் அடுத்துள்ள சிறிய ஊர்

2) சமுத்தரிஞ்சு, சமுத்தரணை என்பதெல்லாம்,  வளருருவாக்கம்,  புனர்வேலை, மீளெழுச்சி போன்றவற்றைக் குறிக்கும். “வாடு சமுத்தரிஞ்சு சாவக் கொட்டேடு”.... அது போல முத்துவும் இரங்கனும் கட்டெழுப்பிய ஊர்களாக இருக்கலாம்.
நன்றி = பழைமைபேசி அவர்கள், மின்தமிழ் 
https://groups.google.com/d/msg/minTamil/FaK5pSOpTiE/en3pO8R0BwAJ

3) தாமிரபரணி நதியின் வடக்கு கரையில் பாலாமடை ( திருநெல்வேலியிலிருந்து வடகிழக்கே 15 கி.மீ தொலைவில் உள்ளது.) கிராமத்தையும் சுற்றியுள்ள நிலங்களையும் திருமலை மன்னன் ஸ்ரீ நீலகண்ட தீக்ஷிதருக்கு மான்யமாக அளித்தான். அரசின் ஆவணங்களில் இது நீலகண்ட சமுத்திரம் என்றும் வழங்கப்படுகிறது. (See Archaelogical Survey of India Annual Report 1976-77 Epigraphy Sl.No. 243 to 244).  4) மைசூரில் சிவசமுத்திரம்,  திருக்குற்றாலத்தில் பொங்குமா கடல்
நன்றி = நா.கணேசன் அவர்கள், மின்தமிழ்  5) தொழுவூர் அருகே சிறுகடல் உள்ளது.
https://groups.google.com/d/msg/minTamil/FaK5pSOpTiE/gzux2kYmCgAJ

---

[1] http://thiruvilaiyadalpuranam.blogspot.in/2018/03/blog-post_7.html

[2] http://thiruvilaiyadalpuranam.blogspot.in/2018/03/blog-post_17.html